മുംബൈ: പ്രധാനമന്ത്രി നരേന്ദ്രമോദിയും ജര്മ്മന് സ്വേഛാധിപതിയായിരുന്ന അഡോള്ഫ് ഹിറ്റ്ലറും തമ്മില് നിരവധി സാമ്യങ്ങളുണ്ടെന്ന് ശിവസേന. പണ്ട് ഹിറ്റ്ലര് ചെയ്ത കാര്യങ്ങളാണ് നരേന്ദ്രമോദി ഇന്ന് ഇന്ത്യയില് ചെയ്യുന്നതെന്നും മോദിയുടെയും ബിജെപിയുടെയും പ്രവര്ത്തനങ്ങള് സൂഷ്മമായി നിരീക്ഷിച്ചാല് അത് മനസിലാകുമെന്നും ശിവസേന നേതാവും എംപിയുമായ സഞ്ജയ് റാവത്ത് പറഞ്ഞു. മുംബൈയില് ശിവസേന സംഘടിപ്പിച്ച പരിപാടിയില് സംസാരിക്കുകയായിരുന്നു അദ്ദേഹം.
'പ്രധാനമന്ത്രി നരേന്ദ്രമോദി ഏറ്റവും ഇഷ്ടപ്പെടുന്നയാളാണ് അഡോള്ഫ് ഹിറ്റ്ലര്. ഇന്ന് ഹിറ്റ്ലറെ ആരെങ്കിലും പുകഴ്ത്തിയാല് അത് രാജ്യദ്രോഹക്കുറ്റമാകില്ല. മോദിയും ഹിറ്റ്ലറും തമ്മില് ഒരുപാട് സാമ്യങ്ങളുണ്ട്. ഹിറ്റ്ലര് പണ്ട് ജര്മ്മനിയില് ചെയ്ത കാര്യങ്ങളാണ് മോദി ഇപ്പോള് ഇന്ത്യയില് ചെയ്യുന്നത്. പ്രധാനമന്ത്രിയുടെയും അദ്ദേഹത്തിന്റെ പാര്ട്ടിയുടെയും പ്രവര്ത്തനങ്ങള് നോക്കിയാല് തന്നെ അത് നമുക്ക് മനസിലാവും'- സഞ്ജയ് റാവത്ത് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഹിറ്റ്ലര് ആ കാലഘട്ടത്തില് ജനപ്രിയ നേതാവായിരുന്നെങ്കിലും ചരിത്രത്തില് പരാജയപ്പെട്ട നേതാവാണ്. ശിവസേന സ്ഥാപകനായ ബാല് താക്കറെയും ഹിറ്റ്ലറെ പിന്തുടര്ന്നിരുന്ന ആളായിരുന്നു. ഇപ്പോള് ഹിറ്റ്ലര് മോദിയുടെ പ്രിയപ്പെട്ട നേതാവായ സ്ഥിതിക്ക് ഹിറ്റ്ലറെ പ്രശംസിച്ച് സംസാരിക്കുന്നതിന് ഇവിടെ ആര്ക്കുമെതിരെ കേസെടുക്കില്ല-സഞ്ജയ് റാവത്ത് കൂട്ടിച്ചേര്ത്തു.