ഡല്ഹിയില നിസാമുദ്ദീൻ സമ്മേളനത്തിൽ പങ്കെടുത്ത 5 മലയാളികളുടെ പരിശോധനാ ഫലം നെഗറ്റീവ്. കൊല്ലം സ്വദേശികളായ ഏഴു പേരുടെ സാമ്പിളുകള് പരിശോധനക്ക് അയച്ചിരുന്നു. അതില് രണ്ട് പേരുടെ ഫലം കൂടി വരാനുണ്ട്. 11 പേരാണ് കൊല്ലം ജിലയിൽ നിന്ന് നിസാമുദ്ദീൻ സമ്മേളനത്തിൽ പങ്കെടുത്തത്. നിലവിൽ ജില്ലയില് കൊവിഡ് സ്ഥിരീകരിച്ച ആറു പേരിൽ 4 പേരും നിസാമുദ്ദീൻ സമ്മേളനത്തിൽ പങ്കെടുത്തവരാണ്.
അതേസമയം, ഇന്നലെ സംസ്ഥാനത്ത് 9 പേര്ക്ക് കോവിഡ് -19 സ്ഥിരീകരിച്ചിരുന്നു. കാസര്ഗോഡ് - 4, കണ്ണൂര് - 3, മലപ്പുറം -1, കൊല്ലം -1 എന്നിങ്ങനെയാണ് ജില്ല തിരിച്ചുള്ള കണക്ക്. ഇതില് നാലുപേര് ഗള്ഫില് നിന്നെത്തിയവരും രണ്ടുപേര് നിസാമുദ്ദീന് തബ്ലീഗ് സമ്മേളനത്തില് പങ്കെടുത്തെത്തിയവരുമാണ്. ബാക്കി മൂന്നുപേര്ക്ക് സമ്പര്ക്കം മൂലമാണ് രോഗം പകര്ന്നത്. 1,46,686 സംസ്ഥാനത്ത് നിരീക്ഷണത്തിലുണ്ട്. ഇതില് 752 പേര് ആശുപത്രിയിലും ബാക്കിയുള്ളവര് വീടുകളിലുമാണ്.