കൊല്ക്കത്ത: ജവഹര്ലാല് നെഹ്റുവിന് ചെയ്യാന് കഴിയാത്ത കാര്യങ്ങളാണ് തങ്ങള് ചെയ്യുന്നതെന്ന കേന്ദ്രസര്ക്കാര് വാദത്തെ പരിഹസിച്ച് തൃണമൂല് കോണ്ഗ്രസ് നേതാവ് മഹുവ മൊയ്ത്ര. ശരിയാണ്, നെഹ്റു കോടതിയില് കളളം പറയുകയോ നിരപരാധികളായ ജനങ്ങളെ അറസ്റ്റ് ചെയ്യുകയോ ചെയ്തിട്ടില്ല എന്നാണ് മഹുവയുടെ പരിഹാസം. രാജ്യദ്രോഹക്കുറ്റം റദ്ദാക്കുന്നതുമായി ബന്ധപ്പെട്ട ഹര്ജികള് സുപ്രീംകോടതി പരിഗണിക്കവേ സോളിസിറ്റര് ജനറല് തുഷാര് മേത്തയാണ് നെഹ്റുവിന് ചെയ്യാന് കഴിയാത്ത കാര്യങ്ങള് കേന്ദ്രസര്ക്കാര് ചെയ്യുന്നുണ്ട് എന്ന് അവകാശപ്പെട്ടത്.
'പണ്ഡിറ്റ് നെഹ്റുവിന് ചെയ്യാന് കഴിയാത്തതാണ് നിലവിലെ സര്ക്കാര് ചെയ്യുന്നത് എന്നാണ് സോളിസിറ്റര് ജനറല് തുഷാര് മേത്ത പറഞ്ഞത്. താങ്കള് പറഞ്ഞത് ശരിയാണ് സര്. നെഹ്റുവിന് കോടതിയില് കളളം പറയാന് സാധിച്ചിട്ടില്ല. സ്വന്തം ജനതയ്ക്കുമേല് ചാരപ്പണി ചെയ്തിട്ടില്ല, നിരപരാധികളെ അറസ്റ്റ് ചെയ്തിട്ടില്ല. വിയോജിപ്പ് പ്രകടിപ്പിക്കുന്നവരെ ജയിലിലടച്ചിട്ടില്ല. പട്ടിക നീണ്ടതാണ്'- മഹുവ ട്വീറ്ററില് കുറിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാജ്യദ്രോഹ നിയമം നിന്ദ്യമാണെന്നും ഒരുഘട്ടം കഴിയുമ്പോള് ഇത് ഒഴിവാക്കേണ്ടിവരുമെന്നും നെഹ്റു പറഞ്ഞതായി ഹര്ജിക്കാര്ക്കുവേണ്ടി ഹാജരായ മുതിര്ന്ന അഭിഭാഷകനും കോണ്ഗ്രസ് നേതാവുമായ കപില് സിബല് കോടതിയില് പറഞ്ഞു. അതിനുമറുപടിയായാണ് സോളിസിറ്റര് ജനറല് തുഷാര് മേത്ത നെഹ്റുവിന് ചെയ്യാന് കഴിയാത്തതതാണ് കേന്ദ്രസര്ക്കാര് ചെയ്യുന്നത് എന്ന് പറഞ്ഞത്.