കാശ്മീരില്‍ യൂട്യൂബറെ ഭീകരവാദികള്‍ വെടിവെച്ച് കൊന്നു

തിരുവനന്തപുരം: കാശ്മീരില്‍ യൂട്യൂബ് താരത്തെ ഭീകരവാദികള്‍ വെടിവെച്ച് കൊന്നു. ഇന്നലെ രാത്രി 8 മണിയോടെയാണ് സംഭവം. കശ്മീരിലെ ബുദ്ഗാം സ്വദേശിയായ അമ്രീന്‍ ഭട്ടിനെ വീട്ടില്‍ കേറിയാണ് ഭീകരര്‍ വെടിവെച്ച് കൊലപ്പെടുത്തിയത്. സംഭവത്തില്‍ അമ്രീന്‍ ഭട്ടിന്‍റെ സഹോദരിയുടെ മകനും പരിക്കേറ്റു. അമ്രീന് വെടിയേറ്റതിന് പിന്നാലെ അടുത്തുള്ള ആശുപത്രിയില്‍ എത്തിച്ചിരുന്നെങ്കിലും ഡോക്ടര്‍മാര്‍ മരണം സ്ഥിരീകരിക്കുകയായിരുന്നു. കഴുത്തിലാണ് വെടിയേറ്റതെന്നും അതാണ്‌ മരണകാരണമെന്നും ഡോക്ടര്‍ പറഞ്ഞു.

ആക്രമണത്തിന് പിന്നില്‍ ലഷ്‌കര്‍ ഇ-തൊയിബ ഭീകരരാണെന്നാണ് പൊലീസ് വ്യക്തമാക്കുന്നത്. അമ്രീന്‍ ഭട്ട് സോഷ്യല്‍ മീഡിയ ഇന്‍ഫ്ലുന്‍സറായിരുന്നുവെന്നും അവര്‍ക്ക് സാമൂഹിക മാധ്യമങ്ങളില്‍ നിരവധി ആരാധകര്‍ ഉണ്ടെന്നും പൊലീസ് പറഞ്ഞു. അമ്രീനെ യൂട്യൂബിലും ഇൻസ്റ്റാഗ്രാമിലുമായി 25,000 ലധികം ആളുകളാണ് ഫോളോ ചെയ്യുന്നത്. വെടിവെയ്പ്പിന് പിന്നാലെ പ്രദേശം പോലീസ് വളഞ്ഞു. ആക്രമണം നടത്തിയ ഭീകരര്‍ക്കായി തിരച്ചില്‍ തുടരുകയാണെന്നും പോലീസ് അറിയിച്ചു.

അതേസമയം, ഇതാദ്യമായല്ല ലഷ്‌കര്‍ ഇ-തൊയിബ ഭീകരര്‍ കാശ്മീരില്‍ ആക്രമണങ്ങള്‍ നടത്തുന്നത്. കഴിഞ്ഞ ദിവസം കശ്മീരിലെ സൗറയിലും ഇവര്‍ അക്രമണം നടത്തിയിരുന്നു. ഈ ആക്രമണത്തില്‍ ഒരു പോലീസ് ഉദ്യോഗസ്ഥനും അദ്ദേഹത്തിന്‍റെ മകള്‍ക്കും ഗുരുതരമായ പരിക്കേല്‍ക്കുകയും ചെയ്തിരുന്നു. ഇതിന് പിന്നാലെയാണ് ഭീകരവാദികള്‍ അമ്രീന്‍റെ വീട്ടില്‍ കയറി അവരെ കൊലപ്പെടുത്തിയത്.

Contact the author

International Desk

Recent Posts

International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More
International

ഈ ബീച്ചുകളില്‍ നിന്നും കല്ല് പെറുക്കിയാല്‍ രണ്ട് ലക്ഷം പിഴ

More
More
International

മോസ്കോയിൽ ഭീകരാക്രമണം: 60 പേർ കൊല്ലപ്പെട്ടു, 145 പേര്‍ക്ക് പരിക്ക്

More
More