ശ്രീനഗര്: സ്വത്തുക്കള് കണ്ടുകെട്ടിയതിനു പിന്നാലെ, ജമ്മുകാശ്മീര് മുന് മുഖ്യമന്ത്രിയും നാഷണല് കോണ്ഫറന്സ് നേതാവുമായ ഫാറൂഖ് അബ്ദുള്ളക്ക് എന്ഫോഴ്സ്മെന്റ് ഡയറക്ടറേറ്റ് സമന്സ് അയച്ചു. ജമ്മു കശ്മീര് ക്രിക്കറ്റ് അസോസിയേഷനു (ജെ കെ സി എ) മായി ബന്ധപ്പെട്ട് നടന്ന അഴിമതി കേസിലാണ് നടപടി. ഈ മാസം (മാര്ച്ച്) 31-ന് ഡല്ഹിയിലെ ഇ ഡി ഓഫീസില് ഹാജരാകാനാണ് ഫാറൂഖ് അബ്ദുള്ളയോട് ആവശ്യപ്പെട്ടിരിക്കുന്നത്.
കള്ളപ്പണം വെളുപ്പിക്കല് നിയമപ്രകാരം എടുത്ത കേസില് കഴിഞ്ഞ വര്ഷം ഡിസംബറിലാണ് ഫാറൂഖ് അബ്ദുള്ളയുടെ സ്വത്തുക്കള് ഫെഡറല് ഏജന്സി കണ്ടുകെട്ടിയത്. ഏകദേശം 12 കോടിയോളം രൂപ വിലമതിക്കുന്ന സ്വത്തുവകകളാണ് താല്ക്കാലികമായി കണ്ടുകെട്ടിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഗുപ്കര് റോഡ്, കതിപോര, സുന്ജ്വാന് എന്നിവിടങ്ങളിലെ വീടുകളും ശ്രീനഗറിലെ റെസിഡന്സി റോഡ് ഏരിയയിലുളള വാണിജ്യ കെട്ടിടങ്ങളും കേന്ദ്രഭരണ പ്രദേശത്തെ 4 വ്യത്യസ്ത സ്ഥലങ്ങളിലായുളള ഭൂമിയുമുള്പ്പെടെയുളള സ്വത്തുക്കളാണ് കണ്ടുകെട്ടിയത്. 2001 മുതല് 2012 വരെ ജെ കെ സി എ പ്രഡിന്റായിരുന്നു ഫാറൂഖ് അബ്ദുളള. ഇക്കാലയളവില് പദവി ദുരുപയോഗം ചെയ്യുകയും ക്രിക്കറ്റ് കണ്ട്രോള് ബോര്ഡില് അനധികൃത നിയമനം നടത്തുകയും ചെയ്ത് ബിസിസി ഐ സ്പോണ്സര് ചെയ്ത ഫണ്ട് വെളിപ്പിക്കുകയും ചെയ്തു എന്നാണ് ഫാറൂഖ് അബ്ദുളളക്കെതിരായ ആരോപണം.