തിരുവനന്തപുരം: മലയാളത്തിലെ 2021- ലെ ചലച്ചിത്ര പുരസ്കാരങ്ങള് പ്രഖ്യാപിച്ചു. മികച്ച സംവിധായകനായി ദിലീഷ് പോത്തന് (ജോജി) തെരഞ്ഞെടുക്കപ്പെട്ടു. മികച്ച നടനുള്ള പുരസ്കാരം രണ്ടു പേര് പങ്കിട്ടു. ബിജു മേനോന് (ആര്ക്കറിയാം), ജോജു (തുറമുഖം, മധുരം, നായാട്ട്) എന്നിവരാണ് മികച്ച നടന്മാര്. രേവതിയാണ് മികച്ച നടി. 142 സിനിമകളാണ് അന്പത്തിരണ്ടാമത് സംസ്ഥാന ചലച്ചിത്ര പുരസ്കാരങ്ങള്ക്കായി പരിഗണിച്ചത്. ഹിന്ദി സംവിധായകനും തിരക്കഥാകൃത്തുമായ സയ്യിദ് അഖ്തര് മിര്സ അധ്യക്ഷനായ ജൂറി മികച്ച ചിത്രമായി കൃഷ്ണാന്ത് സംവിധാനം ചെയ്ത 'ആവാസവ്യൂഹം' തെരഞ്ഞെടുത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
മികച്ച തിരക്കഥാകൃത്തിനുള്ള പുരസ്കാരം കൃഷാന്തിനും മികച്ച തിരക്കഥാകൃത്തിനുള്ള (അഡാപ്റ്റേഷന്) പുരസ്കാരം ശ്യാം പുഷ്ക്കരനും (ജോജി) ലഭിച്ചു. മധു നീലകണ്ഠന് ആണ് മികച്ച കാമറാമാന് (ചുരുളി). കഥ- ഷാഹിന് കബീര്, എഡിറ്റര്- ആന്ഡ്രൂ ഡിക്രൂസ് (മിന്നല് മുരളി), കുട്ടികളുടെ ചിത്രം -കാടകം (സംവിധാനം-സഹില് രവീന്ദ്രന്), സ്വഭാവ നടന്- സുമേഷ് മൂര് (കള), സ്വഭാവ നടി- ഉണ്ണിമായ(ജോജി), മികച്ച ഗായകന് പ്രദീപ് (മിന്നല് മുരളി എന്ന സിനിമയിലെ ഗാനം), മികച്ച ഗായിക സിത്താര കൃഷ്ണകുമാര് ‘കാണക്കാണെ’ എന്ന ചിത്രത്തിലെ ഗാനം). വിനീത് ശ്രീനിവാസന് സംവിധാനം ചെയ്ത ‘ഹൃദയം’ മികച്ച ജനപ്രിയ സിനിമയ്ക്കുള്ള അവാര്ഡ് സ്വന്തമാക്കി.