കൊറോണ വൈറസ് ബാധിച്ച് ഇതുവരെ നൂറ് ഇറ്റാലിയൻ ഡോക്ടർമാർ മരിച്ചു. 'കോവിഡ്-19 മൂലം മരണമടഞ്ഞ ഡോക്ടർമാരുടെ എണ്ണം 100 ആണ് - ഒരുപക്ഷേ ഇപ്പോൾ അത് 101 ആയിരിക്കാം'- ഇറ്റലിയിലെ FNOMCeO ഹെൽത്ത് അസോസിയേഷൻ അറിയിച്ചു. വൈറസിനെതിരെ പോരാട്ടത്തില്‍ പങ്കെടുക്കാന്‍ വിരമിച്ച ഡോക്ടർമാരേയും ഇറ്റലി ക്ഷണിച്ചിരുന്നു. മരിച്ചവരില്‍ അവരുംപെടും. കോവിഡ് ബാധിച്ച് ഇറ്റലിയിൽ ഇതുവരെ 17,669 പേരാണ് മരിച്ചത്.
കൂടാതെ, രോഗം ബാധിച്ച് 30 നഴ്‌സുമാരും നഴ്‌സിംഗ് സഹായികളും മരിച്ചുവെന്നും ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നു. 'നമ്മുടെ ഡോക്ടർമാരെയും ആരോഗ്യ പ്രവർത്തകരെയും യാതൊരു സംരക്ഷണ മാര്‍ഗ്ഗവുമില്ലാതെ വൈറസിനെതിരെ പോരാടാൻ അയയ്ക്കാൻ അനുവദിക്കില്ലെന്ന് FNOMCeO പ്രസിഡന്റ് ഫിലിപ്പോ അനെല്ലി പറഞ്ഞു. ഇറ്റലിയിലെ കൊറോണ വൈറസ് ബാധിച്ചവരിൽ 10 ശതമാനം പേരും ആരോഗ്യസംരക്ഷണ മേഖലയില്‍ ജോലിചെയ്യുന്നവരാണ് എന്ന് റോമിലെ ഐ‌എസ്‌എസ് പബ്ലിക് ഹെൽത്ത് ഇൻസ്റ്റിറ്റ്യൂട്ട് പറയുന്നു.
ലോകമെമ്പാടും ഇപ്പോൾ 15 ദശലക്ഷത്തിലധികം പേര്‍ക്ക് കോവിഡ് രോഗം സ്ഥിരീകരിച്ചിട്ടുണ്ടെങ്കിലും 354,000 പേർ സുഖം പ്രാപിച്ചിട്ടുണ്ട്.
