ഡല്ഹി: പ്രവാചകന് മുഹമ്മദ് നബിക്കെതിരെ ബിജെപി വക്താക്കള് നടത്തിയ പരാമര്ശത്തെ തീവ്രവാദ സ്വഭാവമുളള കൂട്ടരാണ് പ്രശ്നക്കാര് എന്ന് പറഞ്ഞൊഴിഞ്ഞ ബിജെപിയെ പരിഹസിച്ച് കോണ്ഗ്രസ് നേതാവ് രാഹുല് ഗാന്ധി. കേന്ദ്ര ആഭ്യന്തര മന്ത്രി അമിത് ഷാ മുതല് പ്രഗ്യാ സിംഗ് താക്കൂര് വരെയുളള നേതാക്കളുടെ വര്ഗീയ, വിദ്വേഷ പ്രസ്താവനകള് സംബന്ധിച്ച വാര്ത്തകള് നിരത്തിയാണ് രാഹുല് ഗാന്ധിയുടെ പരിഹാസം. അല് ജസീറ, എക്കണോമിക് ടൈംസ്, ദി പ്രിന്റ്, ദി ഏഷ്യന് ഏജ് എന്നീ മാധ്യമങ്ങളില്വന്ന തലക്കെട്ടുകളാണ് രാഹുല് ട്വിറ്ററിലൂടെ പങ്കുവെച്ചിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'തീവ്രതയാണ് ബിജെപിയുടെ ഉളളടക്കം. ബംഗ്ലാദേശികളെ ചിതലുകളെന്ന് വിളിച്ച അമിത് ഷായ്ക്കെതിരെ കടുത്ത വിമര്ശനം, സ്ത്രീകള്ക്ക് സ്വതന്ത്രരായോ നിയന്ത്രണങ്ങളില്ലാതെയോ കഴിയാനാകില്ല- യോഗി ആദിത്യനാഥ്, ബജറ്റിന് ദിവസങ്ങള് മാത്രം ബാക്കി, ദേശ് കെ ഗദ്ദാറോന് കോ, ഗോലി മാറോ സാലോന് കോ- രാജ്യദ്രോഹികളെ, പന്നികളെ വെടിവെച്ച് കൊല്ലു- മുദ്രാവാക്യം മുഴക്കി മന്ത്രി അനുരാഗ് താക്കൂര്, നാഥുറാം വിനായക് ഗോഡ്സെ ദേശഭക്തനായിരുന്നു, ആണ്, അങ്ങനെത്തന്നെയായിരിക്കും-ഗാന്ധി ഘാതകനെക്കുറിച്ച് സാധ്വി പ്രഗ്യ'- തുടങ്ങിയ തലക്കെട്ടുകളാണ് രാഹുല് ഗാന്ധി ട്വീറ്റ് ചെയ്തിരിക്കുന്നത്.