മുംബൈ: രൺബീർ കപൂര് നായകനായി എത്തുന്ന 'ബ്രഹ്മാസ്ത്ര’ ബഹിഷ്കരിക്കണമെന്ന് ട്വിറ്ററില് പ്രചരണം. കഴിഞ്ഞ ദിവസമാണ് ചിത്രത്തിന്റെ ട്രെയിലര് പുറത്തുവിട്ടത്. ഇതിലെ ഒരു രംഗത്തില് രണ്ബീര് കപൂര് ചെരുപ്പ് ഉപയോഗിച്ചാണ് അമ്പലത്തില് കയറുന്നത്. ഇതിനെതിരെയാണ് വ്യാപക പ്രചരണം നടക്കുന്നത്. അമ്പലത്തില് ചെരുപ്പിട്ട് കയറിയത് മതവികാരത്തെ വ്രണപ്പെടുത്തിയെന്നാണ് ഒരുവിഭാഗം ആളുകള് ആരോപിക്കുന്നത്. നിലവില് ട്വിറ്റര് ഇന്ത്യയില് ട്രെന്ഡിങ് ഹാഷ്ടാഗാണ് ‘ബോയ്ക്കോട്ട് ബ്രഹ്മാസ്ത്ര’യെന്നത്. സെപ്റ്റംബര് ഒമ്പതിനാണ് ചിത്രം തിയേറ്ററുകളില് റിലീസ് ചെയ്യുന്നത്. അയന് മുഖര്ജി ആണ് ചിത്രം സംവിധാനം ചെയ്തിരിക്കുന്നത്.
രൺബീർ കപൂർ–അമിതാഭ് ബച്ചൻ–ആലിയ ഭട്ട് എന്നിവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്. മൂന്ന് ഭാഗങ്ങളായാണ് ചിത്രം പ്രേക്ഷകര്ക്ക് മുന്പില് എത്തുക. ഒരു ഫാന്റസി ത്രില്ലറായാണ് 'ബ്രഹ്മാസ്ത്ര പാര്ട്ട് വണ് : ശിവ' ഒരുക്കിയിരിക്കുന്നത്. അമാനുഷിക ശക്തികളും മനുഷ്യം തമ്മിലുള്ള പോരാട്ടമാണ് സിനിമയുടെ പ്രമേയം. ശിവ എന്ന കഥാപാത്രമായി റണ്ബീറും ഇഷയായി ആലിയയുമായാണ് ചിത്രത്തില് വേഷമിടുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഹിന്ദിക്ക് പുറമേ,തമിഴ്, കന്നഡ, മലയാളം എന്നീ ഭാഷകളിലും ചിത്രം പുറത്തിറങ്ങും. ആരാധകര് ഏറെ പ്രതീക്ഷയോടെ കാത്തിരിക്കുന്ന ചിത്രത്തില് നാഗാര്ജുനയും ഷാറൂഖാനും പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ തിരക്കഥ എഴുതിയിരിക്കുന്നത് ഹുസൈൻ ദലാലും അയൻ മുഖര്ജിയും ചേര്ന്നാണ്. സിനിമയുടെ ദക്ഷിണേന്ത്യൻ വിതരണാവകാശം സ്വന്തമാക്കിയിരിക്കുന്നത് സംവിധായകൻ എസ്.എസ്. രാജമൗലിയാണ്. കരൺ ജോഹറിന്റെ ധർമ്മ പ്രൊഡക്ഷൻസ്, ഫോക്സ് സ്റ്റാർ സ്റ്റുഡിയോസ്, പ്രൈം ഫോക്കസ്, സ്റ്റാർലൈറ്റ് പിക്ചേഴ്സ് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്.