ചീങ്കണ്ണിയെ വിവാഹംചെയ്ത് മെക്‌സിക്കന്‍ മേയര്‍

മെക്‌സിക്കോ സിറ്റി: ചീങ്കണ്ണിയെ വിവാഹംചെയ്ത് മെക്‌സിക്കന്‍ മേയര്‍. സാന്‍ പെഡ്രോ മേയര്‍ വിക്ടര്‍ ഹ്യൂഗോ സോസയാണ് ആചാരാനുഷ്ടാനങ്ങളോടെ ചീങ്കണ്ണിയെ വിവാഹം കഴിച്ചത്. തെക്കുപടിഞ്ഞാറന്‍ മെക്‌സികോയിലെ സാന്‍ പെഡ്രോ ഹുവാമെലുല ഗ്രാമത്തില്‍വെച്ചായിരുന്നു വിവാഹം. മേയര്‍ വിക്ടര്‍ ഹ്യൂഗോയുടെ സമുദായത്തിന്റെ വിശ്വാസമനുസരിച്ച് പ്രകൃതി ദേവതയുടെ പ്രീതിക്കായാണ് ചീങ്കണ്ണിയെ വിവാഹം കഴിക്കുന്നത്. ആവശ്യത്തിന് മഴ ലഭിക്കാനും നദിയില്‍ മത്സ്യസമ്പത്തുണ്ടാകാനും ഗ്രാമത്തില്‍ സമൃദ്ധിയുണ്ടാകാനും ഇങ്ങനെ വിവാഹം കഴിക്കുന്നതിലൂടെ സാധിക്കുമെന്നാണ് അവരുടെ വിശ്വാസം. 

ചീങ്കണ്ണിയെ ഭൂമീദേവിയുടെ പ്രതീകമായാണ് അവര്‍ സങ്കല്‍പ്പിക്കുന്നത്. മേയര്‍ ചീങ്കണ്ണിയെ വിവാഹം കഴിക്കുന്നതിലൂടെ ഭൂമീ ദേവതയും മനുഷ്യനും ഒന്നിക്കുന്നു എന്നാണ് വിശ്വാസം. മെക്‌സിക്കോയിലെ ഓക്‌സാകയുടെ പസഫിക് തീരത്ത് സ്ഥിതിചെയ്യുന്ന ചെറിയൊരു ഗ്രാമമാണ് സാന്‍ പെഡ്രോ ഹുവാമെലുല. മത്സ്യബന്ധനമാണ് ഇവിടുളളവരുടെ പ്രധാന ഉപജീവനമാര്‍ഗം.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

പരമ്പരാഗത വെളുത്ത വസ്ത്രം ധരിപ്പിച്ച്, സംഗീതത്തിന്റെയും വാദ്യഘോഷങ്ങളുടെയും അകമ്പടിയോടെയാണ് വധുവായ ചീങ്കണ്ണിയെ വിവാഹവേദിയിലെത്തിച്ചത്. മേയര്‍ വധുവിനെ ചുംബിച്ചതോടെ വിവാഹച്ചടങ്ങുകള്‍ പൂര്‍ത്തിയായി. മേയര്‍ ചുംബിക്കുമ്പോള്‍ തിരിച്ച് കടിക്കാതിരിക്കാന്‍  ചീങ്കണ്ണിയുടെ വായ കൂട്ടിക്കെട്ടിയിട്ടുണ്ടായിരുന്നു. ചീങ്കണ്ണിയെ വിവാഹം കഴിക്കുന്ന ആചാരം നൂറ്റാണ്ടുകള്‍ പഴക്കമുളളതാണ്. ഒക്‌സാകയിലെ ചോണ്ടാല്‍, ഹുവേവ് തദ്ദേശീയര്‍ക്കിടയിലാണ് ഇത്തരത്തില്‍ വിവാഹങ്ങള്‍ നടക്കുന്നത്. വിവാഹത്തിന്റെ ചിത്രങ്ങളും വീഡിയോയും സമൂഹമാധ്യമങ്ങളില്‍ വൈറലാണ്.

Contact the author

International Desk

Recent Posts

International

ആർത്തവ ഉൽപ്പന്നങ്ങൾ സൗജന്യമായി കൊടുക്കുന്ന ആദ്യ രാജ്യമായി സ്‌കോട്‌ലാൻഡ്

More
More
International

ആക്രമണം റുഷ്ദി ഇരന്നുവാങ്ങിയത്- ഇറാന്‍

More
More
International

'അടുത്തത് നീയാണ്'; ജെ കെ റൗളിങ്ങിന് വധഭീഷണി

More
More
International

സല്‍മാന്‍ റുഷ്ദിയുടെ ആരോഗ്യനില മെച്ചപ്പെട്ടു; ഡോക്ടര്‍മാരോട് സംസാരിച്ചെന്ന് റിപ്പോര്‍ട്ട്

More
More
International

അക്രമം ഭീരുത്വമാണ്: സല്‍മാന്‍ റുഷ്ദിക്ക് പിന്തുണയുമായി ഇമ്മാനുവൽ മാക്രോൺ

More
More
Web Desk 5 days ago
International

സല്‍മാന്‍ റുഷ്ദിയുടെ നില അതീവ ഗുരുതരമായി തുടരുന്നു

More
More