തിരുവനന്തപുരം: സിപിഎം സംസ്ഥാന കമ്മിറ്റി ഓഫീസായ എ കെ ജി സെന്റര്‍ ആക്രമണത്തെ അപലപിക്കാന്‍ പ്രതിപക്ഷം തയാറാവാതിരുന്നത് എന്തുകൊണ്ടാണ് എന്ന് മുഖ്യമന്ത്രി പിണറായി വിജയന്‍. അടിയന്തിര പ്രമേയ ചര്‍ച്ചയ്ക്കുള്ള മറുപടി പ്രസംഗത്തിലാണ് മുഖ്യമന്ത്രി പതിപക്ഷത്തെ രൂക്ഷമായി വിമര്‍ശിച്ചത്. ''എ കെ ജി സെന്റര്‍ ആക്രമിച്ചവര്‍ ആരുമാകട്ടെ, ആ ആക്രമണത്തെ അപലപിക്കാന്‍ കോണ്‍ഗ്രസും പ്രതിപക്ഷവും തയാറാകേണ്ടല്ലെ? അതെന്തുകൊണ്ട് ഉണ്ടായില്ല? ഇതുപോലൊരു സംഭവം നടന്നിട്ട് അതിനെ അപലപിക്കാന്‍ കഴിയാത്ത മാനസികാവസ്ഥ എങ്ങനെ ഉണ്ടായി? തെറ്റായ കാര്യങ്ങള്‍ ചിലപ്പോള്‍ സംഭവിച്ചേക്കാം, എന്നാല്‍ ആ തെറ്റിനെ ന്യായീകരിക്കുന്ന സമീപനമല്ല കൈക്കൊള്ളേണ്ടത്- മുഖ്യമന്ത്രി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
രാഹുല്‍ ഗാന്ധിയുടെ കല്‍പ്പറ്റയിലെ എം പി ഓഫീസ് ആക്രമിക്കപ്പെട്ട സംഭവത്തില്‍ ശക്തമായ നടപടി സ്വീകരിക്കുകയാണ് സംസ്ഥാന സര്‍ക്കാര്‍ ചെയ്തത്. ഉത്തരവാദിത്തപ്പെട്ട രാഷ്ട്രീയ പാര്‍ട്ടി എന്ന നിലയില്‍ ദേശീയ തലത്തിലും സംസ്ഥാന തലത്തിലും സംഭവത്തെ ഞങ്ങള്‍ തള്ളിപ്പറഞ്ഞിട്ടുണ്ട്. എ കെ ജി സെന്റര്‍ ആക്രമണം എല്‍ ഡി എഫ് കണ്‍വീനര്‍ ഇ പി ജയരാജന്‍ ആസൂത്രണം ചെയ്തതാണ് എന്നാണ് കെ പി സി സി പ്രസിഡന്‍റ് കെ സുധാകരന്‍റെ ആദ്യ പ്രതികരണം. സംഭവം നടന്ന് പിറ്റേന്ന് കാലത്താണ് ഈ പ്രതികരണം. നടത്തിയത് ആരുമാകട്ടെ അപലപിക്കാന്‍ കഴിയാത്ത മാനസികാവസ്ഥ എന്തുകൊണ്ട് വരുന്നു- മുഖ്യമന്ത്രി ചോദിച്ചു.
