തിരുവനന്തപുരം: സഭാ ഭൂമി ഇടപാട് കേസില് കര്ദ്ദിനാള് മാര് ജോര്ജ് ആലഞ്ചേരിക്ക് സര്ക്കാരിന്റെ ക്ലീന് ചിറ്റ്. ഭൂമി ഇടപാടില് നിയമവിരുദ്ധമായി ഒന്നും നടന്നിട്ടില്ലെന്നും കാനോന് നിയമപ്രകാരമാണ് ഇടപാടുകള് നടന്നിരിക്കുന്നതെന്നും സര്ക്കാര് സുപ്രീംകോടതിയെ അറിയിച്ചു. ഭൂമി ഇടപാട് കേസുമായി ബന്ധപ്പെട്ട് പൊലീസും ജോര്ജ് ആലഞ്ചേരിക്ക് ക്ലീന് ചിറ്റ് നല്കിയിരുന്നു. വിചാരണ കോടതിയില് നല്കിയെ അതെ റിപ്പോര്ട്ടാണ് സുപ്രീംകോടതിക്കും കൈമാറിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
എറണാകുളം അങ്കമാലി അതിരൂപതയുടെ ഉടമസ്ഥതയില് കാക്കനാടുള്ള 60 സെന്റ് ഭൂമി വിൽപ്പനയുമായി ബന്ധപ്പെട്ട കേസിലാണ് സര്ക്കാര് ആലഞ്ചേരിക്ക് ക്ലീന് ചിറ്റ് നല്കിയത്. ഈ ഭൂമി ഇടപാടിലൂടെ സഭയ്ക്ക് ലക്ഷങ്ങളുടെ നഷ്ടം ഉണ്ടായെന്നും സഭയുടെ വിവിധ സമിതികളിൽ ആലോചിക്കാതെയാണ് ഭൂമി ഇടപാട് നടത്തിയതെന്നുമാണ് കേസ്. കർദിനാള് മാർ ജോർജ് ആലഞ്ചേരി അടക്കം 24 പേരാണ് കേസിലെ പ്രതികൾ. ഇടനിലക്കാരും ഭൂമി വാങ്ങിയവരും പ്രതിപ്പട്ടികയിലുണ്ട്. കേസില് റവന്യൂ വകുപ്പും ആലഞ്ചേരിക്കെതിരെ അന്വേഷണം നടത്തുന്നുണ്ട്.