കര്ണാടകയില് ഡോക്ടര്ക്ക് കൊവിഡ് സ്ഥിരീകരിച്ചു. ബംഗളൂരു ക്വീൻസ് റോഡ് ഷിഫാ ആശുപത്രിയിലെ 32 കാരനായ ഡോക്ടര്ക്കാണ് രോഗം ബാധിച്ചത്. നേരത്തെ ഇയാള് ചികിത്സിച്ച ഒരാൾക്ക് രോഗം ബാധിച്ചിരുന്നു. ഡോക്ടര് ജോലി ചെയ്തിരുന്നആശുപത്രി അടച്ചു. ഇദ്ദേഹത്തെ ചികിത്സയ്ക്കായി മറ്റൊരു സ്വകാര്യ ആശുപത്രിയിലേക്ക് മാറ്റി. ഇദ്ദേഹത്തൊടൊപ്പം ജോലി ചെയ്തിരുന്ന മറ്റു മൂന്ന് ഡോക്ടര്മാരുടെ പരിശോധനാ ഫലം നെഗറ്റീവാണ്. ഇവിടെയുള്ള അറുപതോളം ജീവനക്കാരെ വീടുകളിൽ നിരീക്ഷണത്തിലാക്കി.
കർണാടകയിൽ രണ്ടാമത്തെ ഡോക്ടർക്കാണ് രോഗം സ്ഥിരീകരിക്കുന്നത്. കലബുര്ഗിയില് കോവിഡ് ബാധിച്ച് മരിച്ച വ്യക്തിയെ ചികിത്സിച്ചിരുന്ന ഡോക്ടര്ക്കാണ് കൊവിഡ് ബാധിച്ചിരുന്നത് കർണാടകയിൽ കോവിഡ് ബാധിതരുടെ എണ്ണം 224 ആയി. കഴിഞ്ഞ 24 മണിക്കൂറിനിടെ 909 പേർക്ക് കൊവിഡ് സ്ഥിരീകരിച്ചതായി കേന്ദ്ര ആരോഗ്യമന്ത്രാലയം അറിയിച്ചു. കൊവിഡ് പരിശോധനക്കായി 219 ലാബുകൾ സജ്ജമാക്കിയെന്നും മന്ത്രാലയം വ്യക്തമാക്കി.