കൊച്ചി: ഷാജി കൈലാസ് സംവിധാനം ചെയ്യുന്ന കാപ്പയില് മഞ്ജു വാര്യര്ക്ക് പകരം ഈ വര്ഷത്തെ ദേശിയ അവാര്ഡ് ജേതാവ് അപര്ണ ബാലമുരളി നായികയാകും. ഷൂട്ടിംഗ് തിരക്കുമായി ബന്ധപ്പെട്ടാണ് ചിത്രത്തില് നിന്നും മഞ്ജു വാര്യര് പിന്മാറിയാതെന്നാണ് റിപ്പോര്ട്ട്. കടുവക്ക് ശേഷം പൃഥ്വിരാജും ഷാജി കൈലാസും ഒരുമിക്കുന്ന ബിഗ് ബജറ്റ് ചിത്രമാണ് കാപ്പ. കാപ്പയുടെ ചിത്രീകരണം തിരുവനന്തപുരത്ത് പുരോഗമിക്കുകയാണ്. 'കൊട്ട മധു' എന്ന കഥാപാത്രത്തെയാണ് പൃഥ്വിരാജ് ചിത്രത്തിൽ അവതരിപ്പിക്കുന്നത്. ആസിഫ് അലിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അപര്ണ ബാലമുരളിക്കൊപ്പം അന്നബെന്നും ചിത്രത്തില് പ്രധാന വേഷം കൈകാര്യം ചെയ്യുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'കാപ്പ നിതീയല്ല, നിയമമാണ്' എന്നാണ് ചിത്രത്തിന് ടാഗ് ലൈനായി നല്കിയിരിക്കുന്നത്. ഇന്ദുഗോപന്റെ പ്രശസ്ത നോവലായ ശങ്കുമുഖിയെ അടിസ്ഥാനമാക്കിയാണ് ചിത്രത്തിന്റെ തിരക്കഥ ഒരുങ്ങുന്നത്. ഇന്ദുഗോപന് തന്നെയാണ് ചിത്രത്തിന്റെ രചനയും നിര്വഹിച്ചത്. ജിനു എബ്രഹാം, ഡോള്വിൻ കുര്യാക്കോസ്, ദിലീഷ് നായര് എന്നിവരുടെ പങ്കാളിത്തത്തില് ആരംഭിച്ച തിയറ്റര് ഓഫ് ഡ്രീംസ്, ഫെഫ്കെ റൈറ്റേഴ്സ് യൂണിയന്റെ സഹകരണത്തിലാണ് ചിത്രം നിര്മിക്കുന്നത്. അതേസമയം, അടുത്തിടെ പുറത്തിറങ്ങിയ പൃഥ്വിരാജ് ചിത്രം കടുവ മികച്ച പ്രക്ഷക പ്രശംസ നേടി മുന്നേറുകയാണ്.