ലോകവസാനമുണ്ടെങ്കില് മനുഷ്യരൂപം എങ്ങനെയായിരിക്കുമെന്നത് നിരന്തരമായി നടക്കുന്ന പഠനമാണ്. ഈ പഠനത്തിന്റെ ഭാഗമായി ആർട്ടിഫിഷ്യൽ ഇന്റലിജൻസ് അഥവാ നിർമ്മിത ബുദ്ധിയുപയോഗിച്ച് മനുഷ്യരൂപവും ഭൂമിയും എങ്ങനെയായിരിക്കുമെന്ന ചിത്രം പുറത്തുവിട്ടിരിക്കുകയാണ് DALL-E 2. ആർട്ടിഫിഷ്യൽ ഇന്റലിജൻസ് ഇമേജ് ജനറേറ്ററാണ് DALL-E 2. ഈ ചിത്രങ്ങള് ‘റോബോട്ട് ഓവർലോഡ്സ്’ എന്നയാളാണ് ടിക് ടോക്കിൽ പങ്കുവച്ചത്. ഇത് സാമൂഹിക മാധ്യമങ്ങളില് വളരെ വേഗത്തില് വൈറലാവുകയും ചെയ്തിരുന്നു. ചിത്രങ്ങളിൽ അപ്പോക്കലിപ്റ്റിക് രംഗങ്ങളാണ് കാണാൻ സാധിക്കുക.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഭൂമിയുടെ അവസാന കാലഘട്ടങ്ങളില് മനുഷ്യരും ഭൂമിയും എങ്ങനെയായിരിക്കുമെന്ന് പരിചയപ്പെടുത്തിയാണ് റോബോട്ട് ഓവർലോഡ്സ് ചിത്രങ്ങള് സാമൂഹിക മാധ്യമങ്ങളില് പങ്കുവെച്ചത്. വിചിത്രമായ ആ ചിത്രങ്ങളിൽ, നീളമേറിയ വിരലുകളും വലുപ്പമുള്ള കണ്ണുകളും നീട്ടിവളർത്തിയ മുടിയുമുള്ള ഒരു മനുഷ്യനെയാണ് കാണാൻ കഴിയുക. കത്തിയെരിയുന്ന ഭൂമിയാണ് ചിത്രത്തിന്റെ പശ്ചാത്തലം. വികൃതമായ അസ്ഥികൂടത്തിന് സമാനമായ മനുഷ്യ രൂപങ്ങളാണ് എല്ലാ ചിത്രങ്ങളിലുമുള്ളത്. ചുരുങ്ങിയ സമയം കൊണ്ട് 12.7 ദശലക്ഷം ആളുകളാണ് ഇത് കണ്ടത്.