ഇ ഡിക്ക് പ്രത്യേക അധികാരം: സുപ്രീംകോടതി വിധിക്കെതിരെ പ്രതിപക്ഷ പാര്‍ട്ടികള്‍

ഡല്‍ഹി: ഇ ഡിക്ക് കൂടുതല്‍ അധികാരം നല്‍കിയ സുപ്രീംകോടതി വിധിക്കെതിരെ പ്രതിപക്ഷ പാര്‍ട്ടികള്‍. കേന്ദ്രസര്‍ക്കാര്‍ പ്രതിപക്ഷ നേതാക്കളെ ഇ ഡിയെ ഉപയോഗിച്ച് വേട്ടയാടുകയാണ്. ഈ സമയം ഇ ഡിക്ക് കൂടുതല്‍ അധികാരം  നല്‍കുന്നത് രാഷ്ട്രീയപകപോക്കലിന് കരുത്തുപകരുമെന്നാണ് പ്രതിപക്ഷ പാര്‍ട്ടികള്‍ പുറത്തിറക്കിയ സംയുക്ത പ്രസ്താവനയില്‍ പറയുന്നത്. കോണ്‍ഗ്രസ്, തൃണമൂല്‍ കോണ്‍ഗ്രസ്, ഡി.എം.കെ, സി.പി.എം, സി.പി.ഐ, മുസ്‌ലിം ലീഗ്, ആര്‍.എസ്.പി, കേരള കോണ്‍ഗ്രസ്, എന്‍.സി.പി, ആര്‍.ജെ.ഡി, ശിവസേന, ആം ആദ്മി തുടങ്ങിയ പാര്‍ട്ടികളാണ് സുപ്രീം കോടതി വിധിക്കെതിരെ രംഗത്ത് വന്നത്.

സുപ്രീംകോടതിയോട് വളരെയധികം ബഹുമാനമുണ്ട്. ഇ ഡിയുടെ അധികാരവുമായി ബന്ധപ്പെട്ട് കോടതി കഴിഞ്ഞ ദിവസം നടത്തിയ വിധിപ്രസ്താവം ദൂരവ്യാപക പ്രത്യാഘാതങ്ങള്‍ക്ക് വഴിവെക്കും. രാഷ്ട്രീയമായ പകപോക്കലിന് നിയമം ദുരുപയോഗം ചെയ്യുന്ന കേന്ദ്രസര്‍ക്കാരിന് സുപ്രീംകോടതി വിധി ഒരു ആയുധമായി ലഭിച്ചിരിക്കുകയാണെന്നും പ്രസ്താവനയില്‍ പറയുന്നു.  ഇഡിക്ക് ആരെയും അറസ്റ്റ് ചെയ്യാനും എവിടെയും പരിശോധന നടത്താനും സ്വത്തുക്കള്‍ കണ്ടുകെട്ടാനുമുളള അധികാരം തടയാനാവില്ലെന്നാണ് സുപ്രീംകോടതി അടുത്തിടെ വ്യക്തമാക്കിയത്. കളളപ്പണം വെളുപ്പിക്കല്‍ നിരോധന നിയമപ്രകാരം അറസ്റ്റും സ്വത്ത് കണ്ടുകെട്ടലുമുള്‍പ്പെടെയുളള ഇഡിയുടെ നടപടികള്‍ ചോദ്യംചെയ്ത് കാര്‍ത്തി ചിദംബരവും മുന്‍ കേന്ദ്രമന്ത്രി അനില്‍ ദേശ്മുഖും അടക്കം സമര്‍പ്പിച്ച ഹര്‍ജികളിലായിരുന്നു സുപ്രീംകോടതിയുടെ സുപ്രധാന വിധി.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

 എന്‍ഫോഴ്‌സ്‌മെന്റ് ഡയറക്ടറേറ്റ് എഫ് ഐ ആര്‍ മുഴുവനും പ്രതിക്ക് നല്‍കേണ്ട, ജാമ്യം നല്‍കുന്നതിന് കര്‍ശന വ്യവസ്ഥ ഭരണഘടനാപരമാണ്, സമന്‍സ് അയച്ചത് എന്തിനാണെന്ന് കുറ്റാരോപിതനോട് പറയേണ്ട കാര്യമില്ല, ECIR പ്രതിക്ക് നല്‍കേണ്ട, അറസ്റ്റ് ചെയ്യുമ്പോള്‍ മാത്രം കാര്യം പറഞ്ഞാല്‍ മതിയാകും. ഇഡിക്ക് അറസ്റ്റിനും പരിശോധനയ്ക്കും സ്വത്ത് കണ്ടുകെട്ടുന്നതിനും അധികാരമുണ്ട് എന്നായിരുന്നു സുപ്രീംകോടതിയുടെ വിധി. ജസ്റ്റിസ് എ എം ഖാന്‍വില്‍ക്കര്‍, ജസ്റ്റിസ് സി ടി രവികുമാര്‍, ജസ്റ്റിസ് ദിനേശ് മഹേശ്വരി എന്നിവരടങ്ങിയ ബെഞ്ചിന്‍റെതായിരുന്നു വിധി. 

Contact the author

National Desk

Recent Posts

National Desk 11 hours ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 11 hours ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 14 hours ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 16 hours ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 1 day ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More
National Desk 1 day ago
National

2047-ല്‍ ഇന്ത്യയെ വികസിത രാഷ്ട്രമാക്കുമെന്ന മോദിയുടെ വാദം അസംബന്ധം- രഘുറാം രാജന്‍

More
More