ഇറാനില്‍ സ്ത്രീകള്‍ പരസ്യചിത്രങ്ങളില്‍ അഭിനയിക്കുന്നതിന് വിലക്ക്

ടെഹ്‌റാന്‍: ഇറാനില്‍ സ്ത്രീകള്‍ പരസ്യചിത്രങ്ങളില്‍ അഭിനയിക്കുന്നതിന് വിലക്ക്. കഴിഞ്ഞ വര്‍ഷം പുറത്തിറങ്ങിയ പേര്‍ഷ്യന്‍ ഭാഷയിലുളള  ഐസ്‌ക്രീമിന്റെ പരസ്യം വിവാദമായതോടെയാണ് സ്ത്രീകള്‍ പരസ്യങ്ങളില്‍ അഭിനയിക്കുന്നതിന് വിലക്കേര്‍പ്പെടുത്തിയിരിക്കുന്നത്. ഇറാനിലെ മിനിസ്ട്രി ഓഫ് കള്‍ച്ചര്‍ ആന്‍ഡ് ഇസ്ലാമിക് ഗൈഡന്‍സ് ആണ് ഇതുസംബന്ധിച്ച് ഉത്തരവ് പുറപ്പെടുവിച്ചത്. യുവതി ഐസ്‌ക്രീം നുണയുന്ന ദൃശ്യങ്ങള്‍ ലൈംഗികച്ചുവയുളളതാണെന്നായിരുന്നു വിമര്‍ശനം.

സ്ത്രീകളുടെ അന്തസും അഭിമാനവും ഇല്ലാതാക്കുന്ന വിധത്തിലാണ് പരസ്യത്തില്‍ സ്ത്രീയെ ഉപയോഗിച്ചത്. പരസ്യത്തിലെ സ്ത്രീ ഐസ്‌ക്രീം കഴിക്കുന്ന രീതി കാഴ്ച്ചക്കാരുടെ മൃദുല വികാരങ്ങളെ ഇളക്കിവിടുന്നതാണ്. മാത്രമല്ല, രാജ്യത്തെ ഹിജാബ് നിയമത്തിനും വിരുദ്ധമാണ് എന്ന വിലയിരുത്തലിനെത്തുടര്‍ന്നാണ് ഇനിമുതല്‍ സ്ത്രീകള്‍ പരസ്യചിത്രങ്ങളില്‍ അഭിനയിക്കേണ്ടെന്ന് ഇറാന്‍ ഭരണകൂടം തീരുമാനിച്ചത്.

ബ്രിട്ടീഷ് കമ്പനിയായ യൂണിലിവറിന്റെ ഉടമസ്ഥതയിലുളള മാഗ്നം ഐസ്‌ക്രീംസിന്റെ പരസ്യമാണ് ഇറാനില്‍ വിവാദമായത്. സുന്ദരിയായ ഒരു യുവതി ഒരു നേരിയ ശിരോവസ്ത്രം ധരിച്ച് പര്‍വ്വതപ്രദേശത്തുകൂടി കാറോടിച്ചുപോകുന്നതാണ് പരസ്യചിത്രത്തിലുളളത്. മനോഹരമായ ഒരു താഴ് വരയിലെത്തിയ യുവതി കാറില്‍ നിന്ന് ഇറങ്ങി ഐസ്‌ക്രീം കഴിക്കുന്നതാണ് ദൃശ്യങ്ങളിലുളളത്. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ഓണ്‍ലൈനിലൂടെ പുറത്തിറങ്ങിയ പരസ്യം അശ്ലീലമാണെന്ന് അന്നുതന്നെ ആരോപണമുയര്‍ന്നിരുന്നു. പരസ്യത്തിലെ യുവതി ഹിജാബ് ധരിച്ചിട്ടില്ലെന്നും ഐസ്‌ക്രീം കഴിക്കുന്നത് ലൈംഗികച്ചുവയുളള രീതിയിലാണെന്നുമായിരുന്നു വിമര്‍ശകര്‍ പറഞ്ഞത്. സംഭവം വിവാദമായതോടെ പരസ്യം സമൂഹമാധ്യമങ്ങളില്‍നിന്ന് നീക്കം ചെയ്യാന്‍ സര്‍ക്കാര്‍ കമ്പനിയോട് ആവശ്യപ്പെടുകയായിരുന്നു. പരസ്യം നിര്‍മ്മിച്ച കമ്പനിക്കും ഐസ്‌ക്രീം കമ്പനിക്കുമെതിരെ നിയമനടപടിയെടുക്കുമെന്ന് അന്നുതന്നെ സര്‍ക്കാര്‍ വ്യക്തമാക്കിയിരുന്നു. എന്നാല്‍ മതപണ്ഡിതരുടെ ഉന്നത സമിതി ശക്തമായ നടപടി ആവശ്യപ്പെട്ടതിനെത്തുടര്‍ന്നാണ് സ്ത്രീകള്‍ പരസ്യചിത്രങ്ങളില്‍  അഭിനയിക്കുന്നതിന് വിലക്കേര്‍പ്പെടുത്തിയത്.

Contact the author

International Desk

Recent Posts

International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More
International

ഈ ബീച്ചുകളില്‍ നിന്നും കല്ല് പെറുക്കിയാല്‍ രണ്ട് ലക്ഷം പിഴ

More
More
International

മോസ്കോയിൽ ഭീകരാക്രമണം: 60 പേർ കൊല്ലപ്പെട്ടു, 145 പേര്‍ക്ക് പരിക്ക്

More
More