കൊച്ചി: നടിയെ ആക്രമിച്ച കേസില് എട്ടാം പ്രതി ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് പ്രോസിക്ക്യൂഷനും അതിജീവിതയായ നടിയും നല്കിയ ഹര്ജി ഹൈക്കോടതി ഇന്ന് പരിഗണിക്കും. കേസില് വിചാരണ തുടരുന്ന സാഹചര്യത്തില് ജാമ്യം റദ്ദാക്കണമെന്നും ദിലീപിനെ റിമാന്ഡ് ചെയ്യണമെന്നുമാണ് പ്രോസിക്ക്യൂഷന് ഹര്ജിയില് ആവശ്യപ്പെടുന്നത്. നേരത്തെ ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് അതിജീവിതയും പ്രോസിക്ക്യൂഷനും വിചാരണാക്കോടതിയെ സമീപിച്ചിരുന്നു. വിചാരണാക്കോടതി ആവശ്യം തളളിയതോടെയാണ് ഹൈക്കോടതിയെ സമീപിച്ചത്.
2017-ല് കര്ശന വ്യവസ്ഥകളോടെയാണ് കോടതി ദിലീപിന് ജാമ്യം അനുവദിച്ചത്. എന്നാല് പുറത്തിറങ്ങിയ ദിലീപ് ജാമ്യവ്യവസ്ഥകള് ലംഘിച്ചെന്നും സാക്ഷികളെ സ്വാധീനിച്ച് കേസ് അട്ടിമറിക്കാന് ശ്രമിച്ചെന്നുമാണ് പ്രോസിക്ക്യൂഷന് ആരോപിക്കുന്നത്. അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയതിനുള്പ്പെടെ തെളിവുകളുണ്ടെന്നും ഈ സാഹചര്യത്തില് പ്രതിയുടെ ജാമ്യം റദ്ദാക്കണമെന്നും ഹര്ജിയില് പറയുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, പ്രിന്സിപ്പല് സെഷന്സ് കോടതി ജഡ്ജിയായ ഹണി എം വര്ഗീസ് തന്നെ തുടര്ന്നും വിസ്താരം നടത്തുന്നതിനെതിരെ നടിയും പ്രോസിക്ക്യൂഷനും നല്കിയ ഹര്ജിയും കോടതി ഇന്ന് പരിഗണിക്കും. സി ബി ഐ കോടതിയില് നടന്നിരുന്ന വിസ്താരം ജഡ്ജിക്ക് സ്ഥാനക്കയറ്റം ലഭിച്ചതിന്റെ പേരില് സെഷന്സ് കോടതിയിലേക്ക് മാറ്റിയത് ചട്ടവിരുദ്ധമാണ് എന്നാണ് പ്രോസിക്ക്യുഷന് ആരോപിക്കുന്നത്.