മദ്യവും മയക്കുമരുന്നും ലൈംഗികാതിക്രമങ്ങളും നമ്മുടെ കുഞ്ഞുങ്ങളെയും ബാധിക്കും- ഡോ. ഷിംന അസീസ് എഴുതുന്നു

ഒന്‍പതാം ക്ലാസില്‍ പഠിക്കുന്ന കുട്ടി മയക്കുമരുന്ന് ഉപയോഗിച്ചെന്നും അതുപയോഗിക്കാന്‍ ആ കുട്ടിയെ പ്രേരിപ്പിച്ച സഹപാഠി മറ്റനേകം കുട്ടികളെയും അതിന് പ്രേരിപ്പിക്കുകയും ലൈംഗികമായി പീഡിപ്പിക്കുകയും ചെയ്‌തെന്ന വാര്‍ത്ത പുറത്തുവന്നതിനുപിന്നാലെ പ്രതികരണവുമായി ഡോ. ഷിംന അസീസ്. ചിറകിനുളളില്‍ വെച്ച് വളര്‍ത്തുന്ന മക്കളാണ് പറക്കമുറ്റുംമുന്നേ ഇതിനെല്ലാം മുതിരുന്നതെന്നും എന്റെ കുട്ടി ഇതൊന്നും ചെയ്യില്ലെന്ന രക്ഷിതാക്കളുടെ ആത്മവിശ്വാസമൊക്കെ കാറ്റില്‍പറത്തിയാണ് പ്രതിദിനം ഓരോ കഥകള്‍ പുറത്തുവരുന്നതെന്നും ഷിംന അസീസ് പറയുന്നു. 'മദ്യവും മയക്കുമരുന്നും ലൈംഗികാതിക്രമങ്ങളും നമ്മുടെ കുഞ്ഞുങ്ങളെ ബാധിക്കില്ലെന്ന് കരുതേണ്ട. നമ്മുടെ കുഞ്ഞാണ് എന്നതുകൊണ്ട് ഈ കെടുതികള്‍ അവരെ സ്പര്‍ശിക്കാതെ മാറിനില്‍ക്കണമെന്നില്ല. മക്കള്‍ നന്നായിരിക്കാന്‍ അവരെ നാം പ്രാപ്തരാക്കിയേ പറ്റു'- ഷിംന അസീസ് ഫേസ്ബുക്കില്‍ പങ്കുവെച്ച കുറിപ്പില്‍ പറയുന്നു.

ഡോ. ഷിംന അസീസ് എഴുതുന്നു

ഒൻപതാം ക്ലാസിൽ പഠിക്കുന്ന കുട്ടി മയക്കുമരുന്ന് ഉപയോഗിച്ചെന്നും അതുപയോഗിക്കാൻ ആ കുട്ടിയെ പ്രേരിപ്പിച്ച സഹപാഠി മറ്റനേകം കുട്ടികളെയും ഇതിനു പ്രേരിപ്പിക്കുകയും ലൈംഗികമായി പീഡിപ്പിച്ചുവെന്നും വാർത്ത.

വല്ലാത്ത ലോകത്താണ്‌ നമ്മൾ ജീവിക്കുന്നത്‌. ചിറകിന്‌ ചോട്ടിൽ വെച്ച്‌ വളർത്തുന്ന മക്കളാണ്‌ പറക്കമുറ്റും മുന്നേ ഇതിനെല്ലാം മുതിരുന്നത്. 'എന്റെ കുട്ടി ഇതൊന്നും ചെയ്യില്ല' എന്ന രക്ഷിതാക്കളുടെ ആത്മവിശ്വാസമൊക്കെ കാറ്റിൽ പറത്തി ഓരോ ദിവസവും പുതിയ കഥകൾ പുറത്ത്‌ വന്നുകൊണ്ടേയിരിക്കുന്നു.

എവിടെയാണ്‌ നമുക്ക്‌ പിഴക്കുന്നത്‌? എവിടെയൊക്കെയാണ്‌ തിരുത്തലുകൾ ആവശ്യം വരുന്നത്‌? 

മക്കളോട്‌ പ്രകടമായ സ്‌നേഹവും അടുപ്പവും കാണിക്കുക. അവരോട് തുറന്ന്‌ സംസാരിക്കുക. അവരുടെ പെരുമാറ്റത്തിൽ വരുന്ന മാറ്റങ്ങൾ മനസ്സിലാക്കാൻ മാത്രമുള്ള അടുപ്പം സൃഷ്‌ടിക്കുക. ലാളന അധികമാകാതെ 'നോ' പറയേണ്ടിടത്ത്‌ നോ പറഞ്ഞ്‌ തന്നെ ശീലിപ്പിക്കുക. നിങ്ങൾ ദൂരെയാണെങ്കിൽപ്പോലും നിത്യവും വീഡിയോ കോൾ ചെയ്‌തും ഫോണിൽ വിളിച്ചും കൂടെയുണ്ടെന്ന ബോധ്യം സൃഷ്‌ടിക്കുക. അവർക്ക് തിരിച്ചും എന്തും തുറന്ന് സംസാരിക്കാനുള്ള ആത്മവിശ്വാസം ഉണ്ടാക്കിയെടുക്കുക, നിലനിർത്തുക. പണം കൈയിൽ കൊടുക്കുന്നുവെങ്കിൽ അത്‌ എന്തിന്‌ ചിലവാക്കുന്നു എന്ന്‌ കൃത്യമായി ചോദിച്ച്‌ മനസ്സിലാക്കുക. ലൈംഗിക അതിക്രമങ്ങൾ തിരിച്ചറിയാനും പ്രതികരിക്കാനും ഉതകുന്ന രീതിയിൽ അതത് പ്രായത്തിനനുസരിച്ച് കൃത്യമായ ലൈംഗിക വിദ്യാഭ്യാസം നൽകുക.

ആവർത്തിക്കുന്നു, മദ്യവും മയക്കുമരുന്നും ലൈംഗികാതിക്രമങ്ങളും എന്റെ കുഞ്ഞിനെ ബാധിക്കില്ല എന്ന്‌ കരുതേണ്ട. നമ്മുടെ കുഞ്ഞാണ്‌ എന്നത്‌ കൊണ്ട്‌ ഈ കെടുതികളൊന്നും അവരെ സ്‌പർശിക്കാതെ മാറി നിൽക്കണമെന്നില്ല.

കാലം വല്ലാത്തതാണ്‌. മക്കൾ നന്നായിരിക്കാൻ അവരെ കൃത്യമായി പ്രാപ്തരാക്കിയേ പറ്റൂ.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

Contact the author

Web Desk

Recent Posts

National Desk 5 days ago
Social Post

'പുതുമുഖങ്ങളെ സഹായിച്ച് സമയം കളഞ്ഞു, ഇനി എന്നെ കാണാന്‍ പണം നല്‍കണം'; കൂടിക്കാഴ്ച്ചയ്ക്ക് ഫീസ് നിശ്ചയിച്ച് അനുരാഗ് കശ്യപ്‌

More
More
Web Desk 1 week ago
Social Post

'സംസ്‌കാരഹീനമായ വൃത്തികെട്ട പ്രവൃത്തി' ; ജാസി ഗിഫ്റ്റിനെ അപമാനിച്ചതില്‍ ജി വേണുഗോപാല്‍

More
More
Web Desk 2 weeks ago
Social Post

വടകരയിലെ ആള്‍ക്കൂട്ടം കണ്ട് ആരും തിളയ്ക്കണ്ട, അത് ലീഗിന്റെ പണത്തിന്റെ പുളപ്പാണ്- കെ ടി ജലീല്‍

More
More
K T Kunjikkannan 1 month ago
Social Post

ഫാസിസത്തെ നാം പ്രണയം കൊണ്ട് പ്രതിരോധിക്കും- കെ ടി കുഞ്ഞിക്കണ്ണന്‍

More
More
Web Desk 1 month ago
Social Post

ആ 'മഹാനെ'ത്തേടി ഭാരതരത്‌നം മലപ്പുറത്തെത്തിയാല്‍ അത്ഭുതപ്പെടാനില്ല; സാദിഖലി തങ്ങള്‍ക്കെതിരെ കെ ടി ജലീല്‍

More
More
Niveditha Menon 2 months ago
Social Post

ഒരു സംസ്കാരത്തിന്റെ മരണത്തിന്റെ കഥയാണ് അയോദ്ധ്യ - നിവേദിത മേനോൻ

More
More