ഇടയ്ക്കിടെ പോയി വരേണ്ട, എന്റെ വീട്ടില്‍തന്നെ ഓഫീസുകള്‍ തുറന്നോളു; കേന്ദ്ര ഏജന്‍സികളെ പരിഹസിച്ച് തേജസ്വി യാദവ്

പാറ്റ്‌ന: ബിഹാര്‍ ഉപമുഖ്യമന്ത്രിയായി സത്യപ്രതിജ്ഞ ചെയ്തതിനുപിന്നാലെ ഇഡിയും സി ബി ഐയും അടക്കമുളള കേന്ദ്ര ഏജന്‍സികളെ വെല്ലുവിളിച്ച് ആര്‍ ജെ ഡി നേതാവ് തേജസ്വി യാദവ്. ഇഡിയെയും സി ബി ഐയെയും ഒന്നും തനിക്ക് ഭയമില്ലെന്നും ആവശ്യമെങ്കില്‍ അവര്‍ക്ക് തന്റെ വീട്ടില്‍ ഓഫീസ് തുറക്കാമെന്നും തേജസ്വി യാദവ് പറഞ്ഞു. കേന്ദ്ര ഏജന്‍സികള്‍ ബിജെപിയുടെ പാര്‍ട്ടി സെല്‍ പോലെയാണ് പ്രവര്‍ത്തിക്കുന്നതെന്നും രാഷ്ട്രീയ പകപോക്കലിനാണ് ബിജെപി അവയെ ഉപയോഗിക്കുന്നതെന്നും അദ്ദേഹം കുറ്റപ്പെടുത്തി. എന്‍ഡിടിവിക്ക് നല്‍കിയ അഭിമുഖത്തിലായിരുന്നു തേജസ്വിയുടെ പ്രതികരണം.

'നിങ്ങളെന്തിനാണ് ഇടയ്ക്കിടെ പോയി വരുന്നത്? എന്റെ വീട്ടില്‍ സ്ഥിരതാമസമാക്കിക്കോളു. ഇഡി, സി ബി ഐ, ഇന്‍കം ടാക്‌സ്... നിങ്ങളെല്ലാവരെയും ഞാന്‍ എന്റെ വീട്ടിലേക്ക് ക്ഷണിക്കുകയാണ്. എത്രകാലം വേണമെങ്കിലും ഇവിടെ താമസിക്കാം. സമാധാനം കിട്ടാനായി വേണമെങ്കില്‍ നിങ്ങളുടെ ഓഫീസുകള്‍ എന്റെ വീട്ടില്‍ തുടങ്ങിക്കോളു. എന്നിട്ടും സമാധാനമായില്ലെങ്കില്‍ പിന്നെ എനിക്കൊന്നും ചെയ്യാനില്ല'- എന്നായിരുന്നു തേജസ്വിയുടെ പരിഹാസം. സാമ്പത്തിക തട്ടിപ്പ് ആരോപിച്ച് ഇ ഡി തേജസ്വി യാദവിനെതിരെ കേസെടുത്തിട്ടുണ്ട്. ഈ പശ്ചാത്തലത്തിലാണ് തേജസ്വിയുടെ പ്രതികരണം.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ബിഹാര്‍ മുഖ്യമന്ത്രി നിതീഷ് കുമാര്‍ പ്രധാനമന്ത്രി പദത്തിന് യോഗ്യനാണെന്നും തേജസ്വി യാദവ് പറഞ്ഞു. 'നിതീഷ് കുമാറിന് അനുഭവ സമ്പത്തുണ്ട്. അദ്ദേഹത്തിന് ഭരണ പരിചയമുണ്ട്. ജനങ്ങളുമായി ഇടപെട്ട് പരിചയമുണ്ട്. രാജ്യസഭയൊഴിച്ച് എല്ലാ സഭകളിലും അംഗമായിട്ടുണ്ട്. കേന്ദ്രമന്ത്രിവരെയായിരുന്നു. നരേന്ദ്രമോദിക്ക് പ്രധാനമന്ത്രിയാകാമെങ്കില്‍ നിതീഷ് കുമാറിനും ആകാം. ഇന്ത്യയിലെ ജനങ്ങള്‍ നരേന്ദ്രമോദിക്കെതിരെ ഒരു മുഖം ആഗ്രഹിക്കുന്നുണ്ട്'- തേജസ്വി കൂട്ടിച്ചേര്‍ത്തു.

Contact the author

National Desk

Recent Posts

National Desk 3 hours ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 3 hours ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 6 hours ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 8 hours ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 1 day ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More
National Desk 1 day ago
National

2047-ല്‍ ഇന്ത്യയെ വികസിത രാഷ്ട്രമാക്കുമെന്ന മോദിയുടെ വാദം അസംബന്ധം- രഘുറാം രാജന്‍

More
More