പാലക്കാട്: അട്ടപ്പാടിയില് ആള്ക്കൂട്ട ആക്രമണത്തില് കൊല്ലപ്പെട്ട ആദിവാസി യുവാവ് മധുവിന്റെ കുടുംബത്തിനെതിരെ മൂന്നുകോടി രൂപ നഷ്ടപരിഹാരം ആവശ്യപ്പെട്ട് വക്കീല് നോട്ടീസ്. മധുവിന്റെ അമ്മ മല്ലി, സഹോദരി സരസു, മധു നീതി സമര സമിതി ചെയര്മാന് വി എം മാര്സന്, അട്ടപ്പാടി സ്വദേശി രംഗസ്വാമി എന്നിവര്ക്കെതിരെയാണ് നോട്ടീസ്. ചിണ്ടക്കിയിലെ വളളിയമ്മാള് ഗുരുകുല സ്ഥാപന ഉടമ രവീന്ദ്രന് വൈദ്യരാണ് അഡ്വ. വിനോദ് കൈനാട്ട് വഴി നോട്ടീസയച്ചത്. വളളിയമ്മാള് ഗുരുകുലത്തെ മനപൂര്വ്വം അപകീര്ത്തിപ്പെടുത്തി എന്നാണ് നോട്ടീസില് ആരോപിക്കുന്നത്.
വളളിയമ്മാള് ഗുരുകുലത്തിന്റെ ഉടമയായ രവീന്ദ്രനും കേസിലെ പ്രതി അബ്ബാസും തമ്മില് ബന്ധമുണ്ട്. കേസില്നിന്ന് പിന്മാറണമെന്നാവശ്യപ്പെട്ട് അബ്ബാസും ഷിഫാന് എന്നയാളും വീട്ടിലെത്തി ഭീഷണിപ്പെടുത്തിയിരുന്നു എന്ന് മധുവിന്റെ അമ്മയും സഹോദരിയും പൊലീസില് പരാതി നല്കിയിരുന്നു. മധു നീതി സമിതി ചെയര്മാന് മാര്സനും വളളിയമ്മാള് ഗുരുകുലത്തിനെതിരെ രംഗത്തെത്തിയിരുന്നു. പണവും സ്വാധീനവും ഉപയോഗിച്ച് ഇവര് സാക്ഷികളെ വരുതിയിലാക്കാന് ശ്രമിക്കുന്നുവെന്നായിരുന്നു ആരോപണം. ഭീഷണിപ്പെടുത്തിയെന്ന മധുവിന്റെ കുടുംബത്തിന്റെ പരാതിയില് ഷിഫാന് അറസ്റ്റിലായതും ചിണ്ടക്കയിലെ ഇതേ സ്ഥാപനത്തില്വെച്ചാണ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, വക്കീല് നോട്ടീസ് കാര്യമാക്കുന്നില്ലെന്ന് മധുവിന്റെ അമ്മയും സഹോദരിയും പ്രതികരിച്ചു. ഇത് പ്രതീക്ഷിച്ചിരുന്നതാണെന്നും എത്ര സമ്മര്ദ്ദം ചെലുത്തിയാലും കേസുമായി മുന്നോട്ടുപോകുമെന്നും മധുവിന്റെ കുടുംബം വ്യക്തമാക്കി.