''ഏതു ധൂസരസങ്കൽപ്പത്തിൽ വളർന്നാലും,
ഏതു യന്ത്രവത്കൃത ലോകത്തിൽ പുലർന്നാലും,
മനസ്സിലുണ്ടാകട്ടെ ഗ്രാമത്തിൻ വെളിച്ചവും
മണവും മമതയും ഇത്തിരി കൊന്നപ്പൂവും”
- വൈലോപ്പിള്ളി
രോഗവ്യാപനത്തിന്‍റെ ദുരിതക്കയത്തിലും ശുഭകരമായ വാര്‍ത്തകള്‍ ഈ വിഷുദിനം കരുതി വെച്ചതുപോലെ. . .
സംസ്ഥാനത്ത് രോഗികളുടെ എണ്ണം കുറയുകയും രോഗവിമുകതരുടെ എണ്ണം കൂടുകയും ചെയ്തു. നമ്മുടെ രാജ്യം കൂടുതല്‍ ജാഗ്രത്താവുകയാണെന്ന് പ്രധാനമന്ത്രി ഉറപ്പുതന്നിരിക്കുന്നു. കോവിഡ് -19 താണ്ഡവമാടിയ അമേരിക്കയിലും ഇറ്റലിയിലും ഫ്രാന്‍സിലുമെല്ലാം മരണസംഖ്യ ദിനംപ്രതി കുറയുന്നു. ഗള്‍ഫ് രാജ്യങ്ങളിലും പ്രതി രോധ പ്രവര്‍ത്തനങ്ങള്‍ നല്ല ഫലം കണ്ടുതുടങ്ങിയിരിക്കുന്നു. ലോകത്തെവിടെ നല്ല വാര്‍ത്തകളുണ്ടെങ്കിലും അത് വിശ്വപൌരരായ മലയാളിക്ക് തീര്‍ച്ചയായും ശുഭ വാര്‍ത്ത തന്നെ !
ഈ വിഷുക്കാലം ശുഭ വാര്‍ത്തകളുടെ പ്രളയം തന്നെ നമുക്കായ് കൊണ്ടുവരാതിരിക്കില്ല !
ഏവര്‍ക്കും മുസിരിസ് പോസ്റ്റിന്‍റെ വിഷുദിനാശംസകള്‍ !
