തിരുവനന്തപുരം: സാമൂഹിക പ്രവര്ത്തകനും എഴുത്തുകാരനുമായ സിവിക് ചന്ദ്രന് മുൻകൂർ ജാമ്യം നൽകിയ കേസിലെ വിവാദ പരാമർശത്തിൽ സ്ഥലം മാറ്റിയതിനെതിരെ ജഡ്ജി ഹൈക്കോടതിയെ സമീപിച്ചു. സ്ഥലം മാറ്റിയ നടപടി ചോദ്യം ചെയ്താണ് കോഴിക്കോട് പ്രിന്സിപ്പല് സെഷന്സ് കോടതി ജഡ്ജി എസ് കൃഷ്ണകുമാര് ഹൈക്കോടതിയെ സമീപിച്ചത്. പീഡനക്കേസില് പ്രതിയായ സിവിക് ചന്ദ്രന് മുന്കൂര് ജാമ്യം അനുവദിച്ച് നടത്തിയ പരാമര്ശങ്ങള് വിവാദമായതിന് പിന്നാലെയായിരുന്നു ജഡ്ജിയെ സ്ഥലം മാറ്റിയത്. കൊല്ലം ലേബര് കോടതിയിലേക്കാണ് മാറ്റിയത്. എന്നാല് നടപടി നിയമവിരുദ്ധമാണെന്നും ചട്ടങ്ങള് പാലിച്ചല്ല അഡ്മിനിസ്ട്രേറ്റീവ് വിഭാഗത്തിന്റെ നടപടിയെന്നും ജഡ്ജി എസ് കൃഷ്ണകുമാര് ഹര്ജിയില് പറയുന്നു.
സിവിക് ചന്ദ്രന് ജാമ്യമനുവദിച്ചുളള വിധിയില് പരാതിക്കാരിയായ യുവതി പ്രകോപനപരമായ വസ്ത്രം ധരിച്ചു എന്ന ജഡ്ജിയുടെ പരാമര്ശമാണ് വിവാദമായത്. ഇരയായ സ്ത്രീ ലൈംഗികമായി പ്രകോപിപ്പിക്കുന്ന തരത്തില് വസ്ത്രം ധരിച്ചതിനാല് ലൈംഗികാതിക്രമ പരാതി നിലനില്ക്കില്ലെന്നായിരുന്നു സെഷന്സ് കോടതിയുടെ ഉത്തരവില് പറഞ്ഞത്. ജാമ്യാപേക്ഷയ്ക്കൊപ്പം സിവിക് ചന്ദ്രന് സമര്പ്പിച്ച ഫോട്ടോകളില്നിന്ന് ഇരയുടെ വസ്ത്രധാരണരീതി ലൈംഗിക പ്രകോപനമുണ്ടാക്കുന്നതാണ് എന്ന് വ്യക്തമാണ്. പരാതിക്കാരിയെ ബലംപ്രയോഗിച്ച് മടിയിലിരുത്തി ശരീരത്തില് സ്പര്ശിക്കാന് എഴുപത്തിനാല് വയസ് പ്രായമുളള അംഗപരിമിതനായ പ്രതിക്ക് കഴിയുമെന്ന് വിശ്വസിക്കുക പ്രയാസമാണെന്നും കോടതി ഉത്തരവില് പറഞ്ഞിരുന്നു. ഇതിനുപിന്നാലെയാണ് എസ് കൃഷ്ണകുമാറിനെ സ്ഥലം മാറ്റിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, സിവിക് ചന്ദ്രന്റെ മുന്കൂര് ജാമ്യം റദ്ദാക്കണമെന്ന് ആവശ്യപ്പെട്ട് ദളിത് യുവതിയായ അതിജീവിത നല്കിയ ഹര്ജി ഇന്ന് ഹൈക്കോടതി പരിഗണിക്കും. മറ്റൊരു യുവതിയെ ലൈംഗികമായി ഉപദ്രവിച്ചെന്ന കേസില് സിവിക് ചന്ദ്രന്റെ മുന്കൂര് ജാമ്യം ഹൈക്കോടതി റദ്ദാക്കിയിരുന്നു.