പാറ്റ്ന: ബിജെപി രാജ്യസഭാ എംപിയും മുന് ഉപമുഖ്യമന്ത്രിയുമായ സുശീല് കുമാര് മോദിയെ വെല്ലുവിളിച്ച് ബിഹാര് മുഖ്യമന്ത്രി നിതീഷ് കുമാര്. ബിഹാറിലെ മഹാഗഡ്ബന്ധന് സര്ക്കാര് കാലാവധി പൂര്ത്തിയാക്കില്ലെന്നും സര്ക്കാരിനെ താഴെയിറക്കുമെന്നുമാണ് സുശീല് മോദി പറഞ്ഞത്. അങ്ങനെയെങ്കില് താങ്കള് സര്ക്കാരിനെ താഴെയിറക്കാന് മുന്കൈ എടുത്തുനോക്കണം എന്നാണ് നിതീഷ് കുമാറിന്റെ വെല്ലുവിളി. ഗോപാല്ഗഞ്ചില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
'മഹാഗഡ്ബന്ധന് സര്ക്കാരിനെ എത്രയുംപെട്ടെന്ന് താഴെയിറക്കാന് സുശീല് കുമാര് മോദിയോട് ആവശ്യപ്പെടുകയാണ്. അങ്ങനെ ചെയ്താല് അദ്ദേഹത്തിന് ബിജെപിയില് വലിയ സ്ഥാനം ലഭിക്കും. 2020-ലെ നിയമസഭാ തെരഞ്ഞെടുപ്പ് കഴിഞ്ഞപ്പോള് സുശീല് മോദിക്ക് ഒരു പദവിയും നല്കാതിരുന്നത് എന്നെ ചൊടിപ്പിച്ചിരുന്നു. സുശീല് മോദി ഇനി എന്നും കേന്ദ്ര നേതൃത്വത്തെ സന്തുഷ്ടരാക്കാനായി മഹാഗഡ്ബന്ധന് സര്ക്കാരിനെ വിമര്ശിച്ചുകൊണ്ടിരിക്കണം'-നിതീഷ് കുമാര് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ആര് ജെ ഡി എം എല് എ അവധ് ബിഹാരി ചൗദരിയെ നിയമസഭാ സ്പീക്കറായി തെരഞ്ഞെടുത്തതിനുപിന്നാലെയാണ് മഹാഗഡ്ബന്ധന് സര്ക്കാര് അധികകാലം പോകില്ലെന്ന് സുശീല് മോദി പറഞ്ഞത്. 'അവധ് ബിഹാരി ചൗദരിയെ സ്പീക്കറായി തെരഞ്ഞെടുത്തതോടെ ജെ ഡി യുവിന്റെ കൗണ്ട് ഡൗണ് ആരംഭിച്ചുകഴിഞ്ഞു. ലാലുപ്രസാദ് യാദവ് നിതീഷ് കുമാറിനെ മാറ്റി അദ്ദേഹത്തിന്റെ മകനെ മുഖ്യമന്ത്രിയാക്കും. എപ്പോള് വേണമെങ്കിലും സര്ക്കാര് താഴെയിറങ്ങാം'-എന്നാണ് സുശീല് മോദി പറഞ്ഞത്.