മുസ്ലീം ലീഗ് ഓഫീസുകളെ ജനസേവന കേന്ദ്രങ്ങളാക്കുന്ന പദ്ധതി പ്രഖ്യാപിച്ചു

മുസ്ലീം ലീഗ് ഓഫീസുകളെ ജനസേവന കേന്ദ്രങ്ങളാക്കുന്ന പദ്ധതി പ്രഖ്യാപിച്ചു. യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവറലി ശിഹാബ് തങ്ങള്‍ നടത്തിയ വാര്‍ത്താ സമ്മേളനത്തിലൂടെയായിരുന്നു പ്രഖ്യാപനം. യൂത്ത് ലീഗിന്റെ സംസ്ഥാന ഓഫീസ് കേന്ദ്രീകരിച്ച് പ്രാദേശിക ലീഗ് ഓഫീസുകളെ ജനസേവന കേന്ദ്രങ്ങളാക്കുമെന്നത് യൂത്ത് ലീഗിന്റെ ആസ്ഥാന മന്ദിരം നിര്‍മ്മിക്കുന്ന സമയത്തെ വാഗ്ദാനമായിരുന്നെന്നും കൊടുത്ത വാക്ക് പാലിക്കുമെന്നതിന്റെ പ്രഖ്യാപനമായിരുന്നു തങ്ങള്‍ ഇന്ന് നടത്തിയതെന്നും പി കെ ഫിറോസ് പറഞ്ഞു.

കേന്ദ്ര-സംസ്ഥാന സര്‍ക്കാരുകളുടെ ആനുകൂല്യങ്ങളും വിദ്യാഭ്യാസ തൊഴില്‍ ഗൈഡന്‍സും പൊതുജനങ്ങള്‍ക്ക് എത്തിച്ചുകൊടുക്കുന്ന പദ്ധതിയാണിതെന്നും സെപ്റ്റംബര്‍ പതിനാറിന് ആദ്യ 50 ഓഫീസുകളുടെ ഉദ്ഘാടനം സാദിഖലി ശിഹാബ് തങ്ങള്‍ നിര്‍വഹിക്കുമെന്നും പി കെ ഫിറോസ് ഫേസ്ബുക്കില്‍ കുറിച്ചു.

പി കെ ഫിറോസിന്റെ കുറിപ്പ്

ഇന്ന് മുസ്‌ലിം യൂത്ത് ലീഗ് സംസ്ഥാന പ്രസിഡണ്ട് സയ്യിദ് മുനവ്വറലി ശിഹാബ് തങ്ങളുടെ പത്രസമ്മേളനത്തിലൂടെ ചരിത്രത്തിൽ രേഖപ്പെടുത്തേണ്ട പ്രഖ്യാപനം നടത്തി. മുസ്‌ലിം ലീഗ് ഓഫീസുകളെ ജനസേവന കേന്ദ്രങ്ങളാക്കുന്ന പദ്ധതിയെ കുറിച്ചായിരുന്നു അത്. യൂത്ത് ലീഗിന്റെ ആസ്ഥാന മന്ദിരം നിർമ്മിക്കുന്ന വേളയിൽ നൽകിയ വാഗ്ദാനമായിരുന്നു യൂത്ത് ലീഗ് സംസ്ഥാന ഓഫീസ് കേന്ദ്രീകരിച്ച് പ്രാദേശിക ലീഗ് ഓഫീസുകളെ ജനസേവന കേന്ദ്രങ്ങളാക്കുന്ന പദ്ധതി നടപ്പിലാക്കുമെന്നത്. കൊടുത്ത വാക്ക് പാലിക്കുമെന്നതിന്റെ പ്രഖ്യാപനമായിരുന്നു തങ്ങൾ ഇന്ന് നടത്തിയത്.

സെപ്തംബർ 16 ന് ആദ്യ 50 ഓഫീസുകളുടെ ഉദ്ഘാടനം സയ്യിദ് സാദിഖലി ശിഹാബ് തങ്ങൾ നിർവ്വഹിക്കുകയാണ്. കേന്ദ്ര-കേരള സർക്കാറുകളുടെ ആനുകൂല്യങ്ങളും വിദ്യാഭ്യാസ-തൊഴിൽ ഗൈഡൻസുമെല്ലാം പൊതുജനങ്ങൾക്ക് യഥാസമയം എത്തിച്ചു കൊടുക്കുന്ന പദ്ധതിയാണിത്. ഭാവിയിൽ സംസ്ഥാനത്തെ ആയിരക്കണക്കിന് വരുന്ന മുഴുവൻ ലീഗ് ഓഫീസുകളും ഇതേ മാതൃകയിൽ ജനസേവന കേന്ദ്രങ്ങളാക്കും.

ചിലർ മുസ്‌ലിം ലീഗിനെതിരെ വിമർശനങ്ങളുമായി വരുമ്പോഴും അതിനെയെല്ലാം അവഗണിച്ച് ഉത്തരവാദിത്ത നിർവ്വഹണത്തിൽ ശ്രദ്ധ കേന്ദ്രീകരിച്ച് മുന്നോട്ട് പോവുകയാണ് യൂത്ത് ലീഗ് പ്രവർത്തകർ.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

Contact the author

Web Desk

Recent Posts

Social Post

ഫാസിസത്തെ നാം പ്രണയം കൊണ്ട് പ്രതിരോധിക്കും- കെ ടി കുഞ്ഞിക്കണ്ണന്‍

More
More
Web Desk 3 weeks ago
Social Post

ആ 'മഹാനെ'ത്തേടി ഭാരതരത്‌നം മലപ്പുറത്തെത്തിയാല്‍ അത്ഭുതപ്പെടാനില്ല; സാദിഖലി തങ്ങള്‍ക്കെതിരെ കെ ടി ജലീല്‍

More
More
Niveditha Menon 1 month ago
Social Post

ഒരു സംസ്കാരത്തിന്റെ മരണത്തിന്റെ കഥയാണ് അയോദ്ധ്യ - നിവേദിത മേനോൻ

More
More
Web Desk 1 month ago
Social Post

മോദി കണ്ടത് ലക്ഷദ്വീപിലെ ജനങ്ങളുടെ ബുദ്ധിമുട്ടല്ല, പുറത്തുളള ഭംഗി മാത്രം- ഐഷ സുല്‍ത്താന

More
More
Web Desk 1 month ago
Social Post

എന്താണ് കൊറിയന്‍ തരംഗം?

More
More
Web Desk 2 months ago
Social Post

ക്രിസ്ത്യന്‍ ആഘോഷങ്ങള്‍ മുസ്ലീം സമുദായത്തിലേക്ക് പടരുന്നതിനെതിരെ ജാഗ്രത പാലിക്കണം- ഹമീദ് ഫൈസി അമ്പലക്കടവ്

More
More