ടൊവിനോ തോമസിനെ നായകനാക്കി ഖാലിദ് റഹ്മാന് സംവിധാനം ചെയ്ത തല്ലുമാല തിയറ്ററുകളില് ഗംഭീര വിജയമാണ് നേടിയത്. എന്നാല് നെറ്റ്ഫ്ളിക്സിലൂടെ റിലീസ് ചെയ്തതോടെ ചിത്രം വിവാദത്തിലായിരിക്കുകയാണ്. സിനിമയിലെ പാട്ടുകളെക്കുറിച്ചും ഡബ്ബിങ്ങിനെക്കുറിച്ചുമാണ് ആദ്യം വിമര്ശനങ്ങളുണ്ടായത്. എന്നാല് ഇപ്പോള് തല്ലുമാലയുടെ കന്നഡ പതിപ്പില് ബീഫ് എന്ന വാക്ക് നെറ്റ്ഫ്ളിക്സ് പൂര്ണമായും വെട്ടിമാറ്റിയതായാണ് ആരോപണം. ചിത്രത്തില് ലുക്മാന് അവറാന്റെ കഥാപാത്രമായ ജംഷിയും ടൊവിനോ തോമസ് അവതരിപ്പിക്കുന്ന വസീം എന്ന കഥാപാത്രവും കണ്ടുമുട്ടുമ്പോള് മുതല് ബീഫിനെക്കുറിച്ച് സംസാരിക്കുന്നുണ്ട്.
പളളിയില് വെച്ച് ആദ്യത്തെ തല്ലുണ്ടാകുമ്പോവും വസീമിന്റെ വിവാഹമെനുവിനെക്കുറിച്ച് പറയുമ്പോഴുമെല്ലാം ബീഫ് ബിരിയാണിയെന്നും ബീഫ് പഫ്സ് എന്നുമൊക്കെ പറയുന്നുണ്ട്. എന്നാല് കന്നഡ പതിപ്പില് ഈ ഭാഗങ്ങളിലെല്ലാം ബീഫിന് പകരം മട്ടണ് എന്നും കറി എന്നുമാണ് ഡബ്ബ് ചെയ്തിരിക്കുന്നത്. സബ്ടൈറ്റിലുകളിലും ബീഫിനെ ഒഴിവാക്കിയിട്ടുണ്ട്. തമിഴ്, തെലുങ്ക് പതിപ്പുകളില് ബീഫിനെ മാറ്റിയിട്ടില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഖാലിദ് റഹ്മാൻ സംവിധാനം ചെയ്ത് ടൊവിനോ തോമസ്, കല്യാണി പ്രിയദർശൻ എന്നിവർ മുഖ്യവേഷങ്ങൾ അവതരിപ്പിച്ച 'തല്ലുമാല' ബോക്സ് ഓഫീസിൽ 70 കോടിക്ക് മേൽ കളക്ഷൻ നേടിയ ചിത്രമാണ്. ഷൈൻ ടോം ചാക്കോ, ജോണി ആന്റണി, ബിനു പപ്പു, ലുക്ക്മാൻ അവറാൻ തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്.