കോണ്‍ഗ്രസ് അധ്യക്ഷ പദവി: നിലപാടില്‍ മാറ്റമില്ലെന്ന് രാഹുല്‍ ഗാന്ധി

കൊച്ചി: കോണ്‍ഗ്രസ് അധ്യക്ഷ തെരഞ്ഞെടുപ്പുമായി ബന്ധപ്പെട്ട് നിലപാട് വ്യക്തമാക്കി കോണ്‍ഗ്രസ് നേതാവ് രാഹുല്‍ ഗാന്ധി. കോണ്‍ഗ്രസ് അധ്യക്ഷ പദവി ഭാരിച്ച ഉത്തരവാദിത്വമാണെന്നും തന്‍റെ പഴയ നിലപാടില്‍ മാറ്റമില്ലെന്നും രാഹുല്‍ ഗാന്ധി പറഞ്ഞു. ഭാരത് ജോഡോ യാത്രക്കിടെ കൊച്ചിയില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം. കോണ്‍ഗ്രസ് അധ്യക്ഷ സ്ഥാനത്തേക്ക് കടന്നുവരേണ്ടത് മികച്ച ആശയങ്ങളും കാഴ്ചപാടുകളുമുള്ള നേതാവായിരിക്കണം. താന്‍ കോണ്‍ഗ്രസ് അധ്യക്ഷനാകുമോയെന്ന ചര്‍ച്ച ഭാരത് ജോഡോയില്‍ നിന്നും ശ്രദ്ധ തിരിച്ചുവിടാനുള്ള നീക്കമാണെന്നും രാഹുല്‍ ഗാന്ധി പറഞ്ഞു.

കോണ്‍ഗ്രസ് അധ്യക്ഷ തെരഞ്ഞെടുപ്പുമായി ചര്‍ച്ചകള്‍ ആരംഭിച്ചപ്പോള്‍ മുതല്‍ രാഹുല്‍ ഗാന്ധി പ്രസിഡന്റ് സ്ഥാനം ഏറ്റെടുക്കണമെന്നാണ് പാര്‍ട്ടി പ്രവര്‍ത്തകര്‍ ആവശ്യപ്പെട്ടത്. എന്നാല്‍ ആദ്യം മുതല്‍ക്ക് തന്നെ അധ്യക്ഷ സ്ഥാനം ഏറ്റെടുക്കാന്‍ താനില്ലെന്ന നിലപാടായിരുന്നു രാഹുല്‍ ഗാന്ധി സ്വീകരിച്ചത്. നെഹ്‌റു കുടുംബത്തിലെ ആരും മത്സരിക്കാനില്ലെങ്കില്‍ രാജസ്ഥാന്‍ മുഖ്യമന്ത്രി അശോക്‌ ഗെഹ്ലോട്ടും ശശി തരൂര്‍ എം പിയും തമ്മിലായിരിക്കും മത്സരം നടക്കുക. 

അതേസമയം, കോണ്‍ഗ്രസ് സമ്മേളനമായ ചിന്തന്‍ ശിവിറത്തിലെ തീരുമാനം എല്ലാവരും അംഗീകരിക്കണമെന്നും രാഹുല്‍ ഗാന്ധി പറഞ്ഞു. ഒരു നേതാവ് ഒരു സ്ഥാനം എന്നതാണ് ചിന്തന്‍ ശിവിറത്തിലെടുത്ത തീരുമാനമെന്നും അദ്ദേഹം വ്യക്തമാക്കി. മുഖ്യമന്ത്രി സ്ഥാനവും അധ്യക്ഷ സ്ഥാനവും ഒരുമിച്ച് കൊണ്ടുപോകാന്‍ സാധിക്കുമെന്ന് അശോക്‌ ഗെഹ്ലോട്ട് മാധ്യമങ്ങളോട് പറഞ്ഞതിനു പിന്നാലെയാണ് രാഹുല്‍ ഗാന്ധി ഈ വിഷയത്തില്‍ നിലപാട് വ്യക്തമാക്കിയത്.

അതോടൊപ്പം, ഇടതുപക്ഷം ഭാരത്‌ ജോഡോ യാത്രക്ക് ആശംസകള്‍ അറിയിച്ചെന്നും രാഹുല്‍ ഗാന്ധി പറഞ്ഞു. ഇടതു നേതാക്കള്‍ ഹൃദയംകൊണ്ട്  ഭാരത് ജോഡോ യാത്രക്കൊപ്പമാണെന്നും പ്രത്യക്ഷത്തില്‍ രാഷ്ട്രീയമായി പിന്തുണയ്ക്കാന്‍ അവര്‍ക്ക് പ്രയാസമുണ്ടാകുമെന്നും രാഹുല്‍ ഗാന്ധി വാര്‍ത്താസമ്മേളനത്തില്‍ പറഞ്ഞു. ഇന്ത്യയെ ഒരുമിപ്പിക്കുക എന്ന ലക്ഷ്യത്തോടെ ബിജെപിക്കെതിരെയാണ് ഭാരത് ജോഡോ യാത്ര നടത്തുന്നതെന്നും രാഹുല്‍ ഗാന്ധി കൂട്ടിച്ചേര്‍ത്തു. 

Contact the author

National Desk

Recent Posts

National Desk 5 hours ago
National

'1700 കോടി രൂപ പിഴയടയ്ക്കണം'; കോൺഗ്രസിന് ആദായനികുതി വകുപ്പിന്റെ നോട്ടീസ്

More
More
National Desk 1 day ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 1 day ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 2 days ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More