തിരുവനന്തപുരം: കോണ്ഗ്രസ് അധ്യക്ഷ തെരഞ്ഞെടുപ്പില് മല്ലികാര്ജുന് ഖാര്ഗെയ്ക്ക് വിജയം ഉറപ്പെന്ന് മുന് പ്രതിപക്ഷ നേതാവ് രമേശ് ചെന്നിത്തല. ഖാര്ഗെ വിജയിച്ചാല് ചിന്തന് ശിബിരത്തിലെ തീരുമാനം നടപ്പിലാക്കും. റിമോര്ട്ട് കണ്ട്രോള് ആയിരിക്കുമെന്ന വിമര്ശനം അദ്ദേഹത്തെ അപമാനിക്കാന് വേണ്ടിയാണെന്നും രമേശ് ചെന്നിത്തല പറഞ്ഞു. തെരഞ്ഞെടുപ്പില് ക്രമക്കേടുണ്ടായോയെന്ന് തനിക്കറിയില്ല. അക്കാര്യം പരിശോധിക്കേണ്ടത് തെരഞ്ഞെടുപ്പ് കമ്മീഷനാണെന്നും രമേശ് ചെന്നിത്തല കൂട്ടിച്ചേര്ത്തു.
അതേസമയം, കോണ്ഗ്രസിന്റെ പുതിയ പ്രസിഡന്റിനെ ഇന്നറിയാം. ഇന്ന് രാവിലെ പത്ത് മണിക്ക് എഐസിസി ആസ്ഥാനത്ത് വോട്ടെണ്ണല് ആരംഭിച്ചു. ഉച്ചയ്ക്ക് മുമ്പേ ഫലമറിയാനും ഉച്ചയോടെ ഔദ്യോഗിക ഫലപ്രഖ്യാപനം നടത്താനും സാധിക്കും. ആകെ 9497 വോട്ടുകളാണ് പോൾ ചെയ്തത്. മല്ലികാര്ജുന് ഖാര്ഗെ വിജയിക്കുമെന്നാണ് രാഷ്രീയ നിരീക്ഷരുടെ വിലയിരുത്തല്. പാര്ട്ടിയിലെ മുതിര്ന്ന നേതാക്കളുടെ പിന്തുണയില്ലാതെ മത്സരത്തിനിറങ്ങിയ ശശി തരൂരിന് എത്ര വോട്ട് ലഭിക്കുമെന്നറിയാന് ഔദ്യോഗികപക്ഷത്തിന് താത്പര്യമുണ്ടെന്നാണ് പുറത്തുവരുന്ന റിപ്പോര്ട്ടുകള്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഈ മാസം പതിനെട്ടിനാണ് കോണ്ഗ്രസ് അധ്യക്ഷ സ്ഥാനത്തേക്കുള്ള വോട്ടെടുപ്പ് നടന്നത്. മുന് യുഎന് അണ്ടര് സെക്രട്ടറിയായ തരൂര് ഗ്രന്ഥകാരന്, പ്രഭാഷകന് നിലയില് പ്രശസ്തനാണ്. 2009 മുതല് ലോക്സഭാ അംഗമായ തരൂര് കേന്ദ്രസഹമന്ത്രി സ്ഥാനവും വഹിച്ചിട്ടുണ്ട്. കോണ്ഗ്രസിലെ വിമത ഗ്രൂപ്പായ ജി 23 യിലെ അംഗമായ തരൂര് പാര്ട്ടിയില് കൊണ്ടുവരേണ്ട മാറ്റങ്ങളെക്കുറിച്ച് കൃത്യമായ നിലപാട് വ്യക്തമാക്കിയിട്ടുണ്ട്. നേതൃത്വം പിന്തുണയ്ക്കുന്ന മല്ലികാര്ജുന് ഖാര്ഗെ രാജ്യസഭയിലെ പ്രതിപക്ഷ നേതാവായിരുന്നു. തെരഞ്ഞെടുപ്പില് മത്സരിക്കുന്നതിന്റെ ഭാഗമായി അദ്ദേഹം പ്രതിപക്ഷ സ്ഥാനം ഒഴിയുകയാണെന്ന് സോണിയ ഗാന്ധിക്ക് കത്ത് നല്കിയിരുന്നു. ഖാര്ഗെ കര്ണാടകയിലെ മുന് പ്രതിപക്ഷ നേതാവായിരുന്നു. 2009ൽ ആദ്യമായി ലോക്സഭാ അംഗമായിരുന്ന ഖാര്ഗെ യു.പി.എ മന്ത്രിസഭയിൽ തൊഴിൽ വകുപ്പ് മന്ത്രിയായിരുന്നു.