ലക്നൗ: യഥാര്ത്ഥ മുസ്ലീമിന് ഒരിക്കലും ബിജെപിക്ക് വോട്ടുചെയ്യാനാവില്ലെന്ന് സമാജ് വാദി പാര്ട്ടി എം എല് എ ഇക്ബാല് മെഹ്മൂദ്. 'ഗാന്ധി ഘാതകനായ ഗോഡ്സെയെ ആരാധിക്കുന്നവരെ മുസ്ലീങ്ങള്ക്ക് ഒരിക്കലും വിശ്വസിക്കാനാവില്ല. ആര് എസ് എസിനും ബിജെപിക്കും ഒരിക്കലും മുസ്ലീങ്ങള്ക്കൊപ്പം നില്ക്കാനാവില്ല. അതുകൊണ്ട് ഒരു യഥാര്ത്ഥ മുസ്ലീമിന് ബിജെപിക്ക് വോട്ടുചെയ്യാനാവില്ല'- ഇക്ബാല് മെഹ്മൂദ് പറഞ്ഞു.
അടുത്തിടെ ബിജെപി ദളിത് മുസ്ലീങ്ങളുടെ വിമോചനത്തിനായി പ്രവര്ത്തിക്കുന്ന പാസ്മണ്ട മുസ്ലീം മഹാസ് സംഘടനയുടെ അംഗങ്ങളുമായി കൂടിക്കാഴ്ച്ച നടത്തിയിരുന്നു. പാസ്മണ്ട മുസ്ലീങ്ങളുടെ ഉന്നമനത്തിനായി പ്രവര്ത്തിക്കാന് പ്രധാനമന്ത്രി ബിജെപി നേതൃത്വത്തോട് ആവശ്യപ്പെട്ടിരുന്നു. ആര് എസ് എസ് മേധാവി മോഹന് ഭാഗവതും മുസ്ലീം പളളികള് സന്ദര്ശിക്കുകയും പുരോഹിതരോട് സംസാരിക്കുകയും ചെയ്തിരുന്നു. ന്യൂനപക്ഷങ്ങളെ സംഘപരിവാറുമായി അടുപ്പിക്കാനുളള ശ്രമങ്ങള് വലതുപക്ഷ സംഘടനകളും ബിജെപിയും നടത്തിവരികയാണ്. ഈ പശ്ചാത്തലത്തിലാണ് സമാജ് വാദി പാര്ട്ടി എം എല് എയുടെ പ്രതികരണം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അസദുദ്ദീന് ഒവൈസിയുടെ എ ഐ എം ഐ എം ബിജെപിയുടെ ബി ടീമായി പ്രവര്ത്തിക്കുകയാണെന്നും ഇക്ബാല് മെഹ്മൂദ് ആരോപിച്ചു. ബഹുജന് സമാജ് പാര്ട്ടി അധ്യക്ഷ മായാവതിക്ക് സി ബി ഐ, ഇ ഡി തുടങ്ങിയ കേന്ദ്ര ഏജന്സികളെ ഭയമാണ്. അതുകൊണ്ടാണ് അവര് ബിജെപിക്കെതിരെ ഒന്നും സംസാരിക്കാത്തതെന്നും അദ്ദേഹം കൂട്ടിച്ചേര്ത്തു.