കൊവിഡ് കാലത്ത് കുട്ടികളുടെ നഗ്നചിത്രങ്ങള് ഇന്റര്നെറ്റില് തിരഞ്ഞ സംഭവത്തില് 150 പേരെ തിരിച്ചറിഞ്ഞു. ഇന്റര്നെറ്റില് മുഴുകുന്ന കുട്ടികളെ പാട്ടിലാക്കാന് പ്രത്യേകസംഘങ്ങളുണ്ടെന്നും കേരളത്തില് നിന്നടക്കമുള്ള നിരവധി ചിത്രങ്ങള് ഈ കാലത്ത് അപ്ലോഡ് ചെയ്തതായും അന്വേഷണത്തില് തെളിഞ്ഞതായും പൊലിസ് വ്യക്തമാക്കി. വാട്സാപ്പ്, ടെലിഗ്രാം ഗ്രൂപ്പുകളുടെ അഡ്മിന്മാരെ കണ്ടെത്താനുള്ള ശ്രമത്തിലാണ് പോലീസ്. ചൈല്ഡ് സെക്ഷ്വല് അബ്യൂസ് വിഡിയോകള് കൂടുതലായി തിരയുന്ന നഗരങ്ങളുടെ കൂട്ടത്തില് കൊച്ചിയും ഉള്പ്പെട്ടതായി റിപ്പോര്ട്ടുകള് ഉണ്ടായിരുന്നു.
'തുടർച്ചയായി ഇന്റർനെറ്റ് ഉപയോഗിക്കുന്ന കുട്ടികളെ വിവിധ സാങ്കേതിക വിദ്യകൾ ഉപയോഗിച്ചു കൊണ്ട് കണ്ടെത്തി അവരുടെ വെബ് ക്യാം അടക്കമുള്ളവ ഉപയോഗിച്ച് ചിത്രങ്ങളും വിഡിയോകളും സംഘടിപ്പിക്കുന്ന ചില സൈബർ സംഘങ്ങൾ പ്രവർത്തിക്കുന്നതായാണ് പ്രാഥമിക അന്വേഷണത്തിൽ വ്യക്തമായിരിക്കുന്നത്' എന്ന് മലയാള മനോരമ റിപ്പോര്ട്ട് ചെയ്യുന്നു. മാതാപിതാക്കള് അടക്കമുള്ളവര് കുട്ടികളുടെ ഈക്കാലയളവിലെ ഇന്റര്നെറ്റ് ഉപയോഗം കൃത്യമായി നിരീക്ഷിക്കണമെന്ന നിര്ദേശം പോലീസ് നല്കിയിട്ടുണ്ട്.