ബംഗ്ലുരു: കര്ണാടക മുഖ്യമന്ത്രി ബസവരാജ് ബൊമ്മെക്കെതിരെ സ്വീറ്റ് ബോക്സ് കോഴ ആരോപണം. മുഖ്യമന്ത്രിയുടെ ഓഫീസ് കേന്ദ്രീകരിച്ച് മാധ്യമപ്രവര്ത്തകര്ക്ക് നല്കിയ കൈക്കൂലിയാണ് ഇപ്പോള് വലിയ വാര്ത്തയായിരിക്കുന്നത്. ഇതുമായി ബന്ധപ്പെട്ട് മുഖ്യമന്ത്രിയുടെ ഓഫീസിലെ ഒരു ഉദ്യോഗസ്ഥനെ കേന്ദ്രീകരിച്ചാണ് കോണ്ഗ്രസ് ആരോപണം ശക്തമാക്കിയിരിക്കുന്നത്.
ഇക്കഴിഞ്ഞ ദീപാവലി ആഘോഷങ്ങളോടനുബന്ധിച്ച് മുഖ്യമന്ത്രി ബസവരാജ് ബൊമ്മെയുടെ ഓഫീസില് നിന്ന് മാധ്യമപ്രവര്ത്തകര്ക്ക് സ്വീറ്റ്സ് നല്കിയിരുന്നു. എന്നാല് ഈ സ്വീറ്റ്സ് പാക്കിനോപ്പം വലിയ സംഖ്യ കൈമടക്കും സമ്മാനം എന്ന ഓമനപ്പേരില് മാധ്യമപ്രവര്ത്തകര്ക്ക് നല്കിയെന്നാണ് ആരോപണം ഉയര്ന്നിരിക്കുന്നത്. ഓരോ മിട്ടായിപ്പെട്ടിക്കുമൊപ്പം ഒരു ലക്ഷം മുതല് രണ്ടരലക്ഷം രൂപവരെ മാധ്യമപ്രവര്ത്തകര്ക്ക് നല്കിയതായാണ് കണ്ടെത്തിയിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പന്ത്രണ്ട് മാധ്യമപ്രവര്ത്തകര്ക്ക് മിട്ടായിപ്പെട്ടിക്കൊപ്പം കൈമടക്ക് കിട്ടിയതായാണ് ആരോപണം ഉയര്ന്നത്. ഇതില് മൂന്നുപേര് പണം കൈപ്പറ്റിയതായി സമ്മതിച്ചിട്ടുണ്ട്. ഇവരില് രണ്ടുപേര് പണം കണ്ടതോടെ മിട്ടായിപ്പെട്ടി മുഖ്യമന്ത്രിയുടെ ഓഫീസില് ഹന്നെ തിരിച്ചേല്പ്പിച്ചതായാണ് വെളിപ്പെടുത്തിയിരിക്കുന്നത്. നിയമസഭാ തെരഞ്ഞടുപ്പ് നടക്കാനിരിക്കെ മുഖ്യമന്ത്രിയുടെ ഓഫീസ് കേന്ദ്രീകരിച്ച് നടന്ന ഈ അഴിമതി പുറത്തുവന്നത് സര്ക്കാരിനെയും മുഖ്യമന്ത്രി ബസവരാജ് ബൊമ്മെയെയും ബിജെപിയെയും വെട്ടിലാക്കിയിരിക്കുകയാണ്.