ഇന്നലെമാത്രം മരണമടഞ്ഞത് 8,736 പേര്
ഇതുവരെ ലോകത്താകെ കൊറോണ വൈറസ് ബാധയേറ്റു മരണമടഞ്ഞവരുടെ എണ്ണം 1,54,254 എന്നാണ് കണക്ക്. കഴിഞ്ഞ 24 മണിക്കൂറിനുള്ളില് ലോകത്ത് മരണപ്പെട്ടത് എണ്ണായിരത്തി എഴുന്നൂറ്റി മുപ്പത്തിയാറു (8,736) പേരാണ്.
രോഗികളുടെ എണ്ണത്തില് കഴിഞ്ഞ 24 മണിക്കൂറിനുള്ളില് 1,32,470
രോഗം ബാധിച്ച് ചികിത്സയില് കഴിയുന്നവരുടെ എണ്ണം ഇരുപത്തിരണ്ടര ലക്ഷത്തി അറുന്നൂറ്റി എണ്പത്തിയാറായി. ഏറ്റവും പുതിയ കണക്കനുസരിച്ച് 22,50,689 പേര്ക്ക് രോഗം ബാധിച്ചു വേള്ഡ് ഓ മീറ്ററിന്റെ കണക്കനുസരിച്ച് ഇപ്പോള് 15,24,330 പേര്കൊറോണ വൈറസ് ബാധയേറ്റ് ചികിത്സയിലാണ്.. 57,136 - പേര് രോഗബാധ മൂലം ഗുരുതരാവസ്ഥയിലാണ്. 5,72,103 - പേര് സുഖം പ്രാപിച്ചു.
ഫ്രാന്സില് മരണം 761
കഴിഞ്ഞ 24 മണിക്കൂറിനുള്ളില് 761 പേരാണ് മരണപ്പെട്ടത്. ഇന്നലെത്തേതില് നിന്ന് മരണനിരക്കില് എട്ടുപേരുടെ വര്ദ്ധനവാണ് കഴിഞ്ഞ 24 മണിക്കൂറിനുള്ളില് രേഖപ്പെടുത്തിയത്.
കൊറോണ ബാധയും മരണനിരക്കും ഏറ്റവും ഉയര്ന്ന ഇറ്റലി സ്പെയില് എന്നീ രാജ്യങ്ങള്ക്ക് തൊട്ടു പിറകെയാണ് ഫ്രാന്സും. ബുധനാഴ്ച വരെയുള്ള ദിവസങ്ങളില് 500 - 600 തലത്തില് പോയിരുന്ന മരണനിരക്കില് വ്യാഴാഴ്ച വന് കുതിപ്പാണ് നടത്തിയത്. ഇത് ജനങ്ങളെ ആകെ പരിഭ്രാന്ത്രരാക്കി. എന്നാല് കഴിഞ്ഞ 48 മണിക്കൂറിനുള്ളില് മരണനിരക്കില് ഉണ്ടായ വന് കുറവ് അല്പം ആശ്വാസം നല്കിയിട്ടുണ്ട്. രാജ്യത്തെ അവസ്ഥ നിയന്ത്രണാതീതമായി തുടരുകയാണ് . ഇതിനകം രാജ്യത്ത് ആകെ 18,681 പേര് മരണപ്പെട്ടു. 1,47,969 പേര്ക്കാണിവിടെ രോഗം ബാധിച്ചിരിക്കുന്നത്.
ഇറ്റലിയില് കഴിഞ്ഞ 24 മണിക്കൂറില് 575 മരണം
ഇറ്റലിയില് കഴിഞ്ഞ നാലു ദിവസങ്ങളിലായി മരണനിരക്ക് 602 മുതല് താഴോട്ട് 575 ലെത്തി നില്ക്കുകയാണ്. കഴിഞ്ഞ ഒരാഴ്ചയായി 620 നും 430 നും ഇടയിലായി ചെറിയ വ്യത്യാസത്തില് മരണനിരക്ക് സ്ഥിരത കൈവരിച്ചിരിക്കുകയാണ്. ഇറ്റലിയിലാകെ മരണപ്പെട്ടവരുടെ എണ്ണം 22,745 ആയി. 1,72,434 - പേര്ക്കാണ് ഇറ്റലിയില് രോഗ ബാധയുണ്ടായത്. ഇന്നലെത്തേതില് നിന്ന് വ്യത്യസ്തമായി മരണസംഖ്യയില് കഴിഞ്ഞ 24 മണിക്കൂറില് 50 പേരുടെ വര്ദ്ധനവാണ് രേഖപ്പെടുത്തിയത്.
സ്പെയിന് കഴിഞ്ഞ 24 മണിക്കൂറില് 687 പേര് മരിച്ചു.
സ്പെയിന് കഴിഞ്ഞ 24 മണിക്കൂറില് മരണപ്പെട്ടത് 687 പേരാണ്. കഴിഞ്ഞ ദിവസത്തെ അപേക്ഷിച്ച് 80 പേരുടെ വര്ദ്ധനവാണ് 24 മണിക്കൂറില് മരണനിരക്കില് രേഖപ്പെടുത്തിയത്.
സ്പെയിനില് ആകെ ഇതിനകം 20,002- പേര് മരണപ്പെട്ടു. 1,90,839 പേര്ക്കാണ് സ്പെയിനില് രോഗ ബാധയുണ്ടായത്. വ്യാഴാഴ്ച വരെയുള്ള നാലു ദിവസങ്ങളില് മരണനിരക്ക് 450 നും 500 നും സ്ഥിരത നിലനിര്ത്തുകയായിരുന്നു. എന്നാല് ഇന്നത്തെയും ഇന്നലത്തേയും നിരക്കുകള് ആശങ്കയുണ്ടാക്കുന്നുണ്ട്.
ബ്രിട്ടന് : കഴിഞ്ഞ 24 മണിക്കൂറില് 837 മരണം
ബ്രിട്ടനില് ഇതുവരെ 14,576 പേരാണ് കോവിഡ് -19 മൂലം മരണപ്പെട്ടത്. കഴിഞ്ഞ ഇരുപത്തിനാലു മണിക്കൂറിനുള്ളില് 837 പേരാണ് രാജ്യത്ത് മരണപ്പെട്ടത്. ആകെ രോഗം സ്ഥിരീകരിച്ചവരുടെ എണ്ണം 1,08,692 ആണ്. കഴിഞ്ഞ മൂന്നുദിവസങ്ങളിലായി മരണ നിരക്ക് 760 നും 837 നും ഇടയിലാണ്
ജര്മ്മനിയില് 24 മണിക്കൂറിനകം മരണപ്പെട്ടത് 300 പേര്.
എന്നാല് യൂറോപ്പില് രോഗബാധയില് തൊട്ടു പിറകിലുള്ള ജര്മ്മനിയില് വളരെ കാര്യമായ തോതില് തന്നെ മരണനിരക്ക് കുറവാണ്. എന്നാല് കഴിഞ്ഞ നാലു ദിവസങ്ങളിലായി മരണ നിരക്ക് ഏകദേശം 300 നു മുകളിലും തൊട്ടു താഴെയുമാണ് എന്നത് ആശങ്കയുയര്ത്തിയിട്ടുണ്ട്.
കഴിഞ്ഞ 24 മണിക്കൂറിനകം മരണപ്പെട്ടത് 300 പേരാണ്. കഴിഞ്ഞ ദിവസത്തില് നിന്ന് 16 പേരുടെ വര്ദ്ധനവാണ് മരണനിരക്കില് രേഖപ്പെടുത്തിയത്. ജര്മ്മനിയില് ഇതുവരെ 4,352 - പേരാണ് മരണപ്പെട്ടത്. എന്നാല് രോഗബാധിതരുടെ എണ്ണം 1,41,397- ആണ്.
അമേരിക്കയില് മരണനിരക്ക് ഇന്ന് 2,545
അമേരിക്കയില് അഴിഞ്ഞ 24 മണിക്കൂറിനുള്ളില് 2,545 പേരാണ് മരണപ്പെട്ടത്. കഴിഞ്ഞ മൂന്നു ദിവസങ്ങളിലും 2500 മുകളിലും തൊട്ടുതാഴേയുമായി രോഗികള് മരണപ്പെട്ടു. ലോകത്തെ മറ്റെല്ലാ രാഷ്ട്രങ്ങളെയും അപേക്ഷിച്ച് കോവിഡ്-19 മൂലമുള്ള മരണനിരക്ക് അമേരിക്കയില് നിയന്ത്രണാതീതമായിത്തന്നെ തുടരുകയാണ്. ഏറ്റവും പുതിയ കണക്കനുസരിച്ച് 37,158- പേര് ഇതിനകം മരണപ്പെട്ടു. 7,10,021 പേര്ക്ക് രോഗം സ്ഥിരീകരിച്ചിട്ടുണ്ട്. കഴിഞ്ഞ ദിവസങ്ങളില് മരണനിരക്കില് നേരിയ കുറവ് രേഖപ്പെടുത്തിയിരുന്നുവെങ്കിലും കഴിഞ്ഞ 96 മണിക്കൂറിനുള്ളില് വലിയ വര്ദ്ധനവാണ് മരണസംഖ്യയില് ഉണ്ടായത്.രോഗികളുടെ എണ്ണവും മരണനിരക്കും ക്രമാതീതമായി കൂടിക്കൊണ്ടിരിക്കുകയാണ്.