അഹമ്മദാബാദ്: ഗുജറാത്തിലെ മോര്ബിയില് തൂക്കുപാലം തകര്ന്ന് പരിക്കേറ്റവരെ സന്ദര്ശിക്കാനെത്തുന്ന പ്രധാനമന്ത്രി നരേന്ദ്രമോദിക്കെതിരെ പ്രതിഷേധം. 'ഗോ ബാക്ക് മോദി' ടാഷ്ടാഗ് ട്വിറ്ററില് ട്രെന്ഡിങ്ങാണ്. ദുരന്തബാധിതരെ സന്ദര്ശിക്കാനല്ല, ഫോട്ടോഷൂട്ടിനാണ് പ്രധാനമന്ത്രിയെത്തുന്നത് എന്നാണ് കോണ്ഗ്രസിന്റെ ആരോപണം. നരേന്ദ്രമോദിക്ക് സ്വന്തം സംസ്ഥാനത്തുതന്നെ സ്വാധീനം നഷ്ടമായതിന്റെ തെളിവാണ് ഗോ ബാക്ക് മോദി ഹാഷ്ടാഗ് ട്രെന്ഡിംഗായതിലൂടെ വ്യക്തമാവുന്നതെന്നും പ്രതിപക്ഷം പറയുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഗോ ബാക്ക് മോദി ഹാഷ്ടാഗ് ഗുജറാത്തില് ഇപ്പോള് ട്രെന്ഡിംഗാണ്. വൈകാതെ രാജ്യത്തിന്റെ മുക്കിലും മൂലയിലും ഈ ഹാഷ്ടാഗ് ട്രെന്ഡിംഗാവും എന്നാണ് പ്രധാനമന്ത്രിയുടെ ചിത്രം പങ്കുവെച്ച് ഒരാള് ട്വിറ്ററില് കുറിച്ചത്. ദുരന്തബാധിതരെ ചികിത്സിക്കുന്ന ആശുപത്രിയില് പ്രധാനമന്ത്രിയുടെ സന്ദര്ശനത്തോടനുബന്ധിച്ച് അടിയന്തരമായി നവീകരണം നടത്തിയതും വ്യാപക വിമര്ശനത്തിനിടയാക്കി. ആശുപത്രിയില് നവീകരണ പ്രവര്ത്തനങ്ങള് നടക്കുന്നതിന്റെ വീഡിയോ സമൂഹമാധ്യമങ്ങളില് വൈറലാണ്.
ഞായറാഴ്ച്ച വൈകുന്നേരം ആറരയോടെയാണ് മോര്ബിയില് മച്ചു നദിക്കു കുറുകെയുളള പാലം തകര്ന്നത്. അപകടത്തില് 134 പേര് മരിച്ചതായാണ് കണക്ക്. 1877 ല് നിര്മ്മിച്ച 233 മീറ്റര് നീളമുളള പാലം ഏഴുമാസത്തെ അറ്റകുറ്റപ്പണികള്ക്കുശേഷം ഒക്ടോബര് 26-നാണ് വീണ്ടും തുറന്നത്. പാലത്തിന് മുനിസിപ്പാലിറ്റിയുടെ ഫിറ്റ്നസ് സര്ട്ടിഫിക്കറ്റ് ലഭിച്ചിരുന്നില്ലെന്നും റിപ്പോര്ട്ടുണ്ട്.