ബ്രിട്ടനില്‍ കഴിഞ്ഞ 24 മണിക്കൂറില്‍ 837 മരണം
ലണ്ടന്‍ : ബ്രിട്ടനില്‍ ഇതുവരെ 14,576 പേരാണ് കോവിഡ് -19 മൂലം മരണപ്പെട്ടത്. കഴിഞ്ഞ ഇരുപത്തിനാലു മണിക്കൂറിനുള്ളില്‍ 837 പേരാണ് രാജ്യത്ത് മരണപ്പെട്ടത്. ആകെ രോഗം സ്ഥിരീകരിച്ചവരുടെ എണ്ണം 1,08,692 ആണ്. കഴിഞ്ഞ മൂന്നുദിവസങ്ങളിലായി മരണ നിരക്ക് 760 നും 837 നും ഇടയിലാണ് വ്യാഴാഴ്ച മാത്രം റിപ്പോര്‍ട്ട് ചെയ്ത മരണം 761ആയിരുന്നു. വെള്ളിയാഴ്ച്ചയത് 861 ആയി വര്‍ദ്ധിച്ചു. കഴിഞ്ഞ ഇരുപത്തിനാലു മണിക്കൂറിനുള്ളില്‍ മരണനിരക്കില്‍ കൃത്യം 24 ന്‍റെ കുറവാണ് രേഖപ്പെടുത്തിയത്. ഇരുപത്തിനാലു മണിക്കൂറിനുള്ളില്‍ മാത്രം രോഗം സ്ഥിരീകരിക്കപ്പെട്ടവരുടെ എണ്ണം 5,599 ആണ്
എന്നാല്‍ ബ്രിട്ടനില്‍ ഇറ്റലി, സ്പെയിന്‍, ഫ്രാന്‍സ് തുടങ്ങിയ രാജ്യങ്ങളുമായി താരതമ്യം ചെയ്യുമ്പോള്‍ രോഗികളുടെ എണ്ണം കുറവാണ്. കഴിഞ്ഞ നാല്‍പ്പെത്തിയെട്ടു മണിക്കൂറിനുള്ളില്‍ മാത്രം രോഗികളുടെ എണ്ണത്തില്‍ ബ്രിട്ടനില്‍ എണ്ണായിരത്തിലധികം വര്‍ദ്ധനവാണ് ഉണ്ടായത്.
മരണസംഖ്യ കൂടിയ, മുകളില്‍ സൂചിപ്പിച്ച യൂറോപ്പ്യന്‍ രാജ്യങ്ങളില്‍ ഇത് ഏകദേശം ഒരുലക്ഷത്തി നാല്‍പ്പതിനായിരത്തിനും ഒരുലക്ഷത്തി തൊണ്ണൂറായിരത്തിനും ഇടയിലാണ്. താരതമ്യേന ചെറിയ രോഗീ സംഖ്യയില്‍ ഇത്ര ഉയര്‍ന്ന മരണനിരക്ക് രേഖപ്പെടുത്തുന്നത് ബ്രിട്ടീഷ് ആരോഗ്യ മേഖലയുടെ പരാജയമായാണ്‌ വിലയിരുത്തപ്പെടുന്നത്.
