ഡല്ഹി: എഡ്യുടെക് ആപ്പായ ബൈജൂസിന്റെ അംബാസിഡറായി അര്ജന്റീനന് ഫുട്ബോള് താരമായ ലയണല് മെസി. എല്ലാവര്ക്കും വിദ്യാഭ്യാസം എന്ന പദ്ധതിയുടെ അംബാസിഡറായാണ് ബൈജൂസും മെസിയും തമ്മില് കരാര് ഒപ്പുവച്ചത്. ബൈജുസിന്റെ ജേഴ്സി അണിഞ്ഞ്li ഖത്തര് ലോകകപ്പിന് ഉപയോഗിക്കുന്ന അല് രിഹ്ല പന്തും പിടിച്ച് നില്ക്കുന്ന മെസിയുടെ ചിത്രം സാമൂഹിക മാധ്യമങ്ങളില് വൈറലാണ്. 2020ലാണ് എല്ലാവര്ക്കും വിദ്യാഭ്യാസമെന്ന സോഷ്യല് ഇനിഷ്യേറ്റീവ് ബൈജൂസ് തുടക്കമിട്ടത്. ഈ മാസം തുടങ്ങുന്ന ഖത്തര് ലോകകപ്പിന്റെ ഔദ്യോഗിക സ്പോണ്സര്മാര് കൂടിയാണ് ബൈജൂസ്.
ഇന്ത്യൻ ക്രിക്കറ്റ് ടീമിന്റെയും ലോകകപ്പ് ക്രിക്കറ്റിന്റെയും സ്പോൺസർമാരാണ് നിലവിൽ ബൈജൂസ്. കടുത്ത സാമ്പത്തിക പ്രതിസന്ധി നേരിടുകയാണ് എന്ന റിപ്പോർട്ടുകൾക്കിടെയാണ് ആഗോളതലത്തിൽ തന്നെ ഏറ്റവും ആരാധകരുള്ള കായിക താരങ്ങളിൽ ഒരാളുമായി ബൈജൂസ് കൈകോർക്കുന്നത്. ഫുട്ബോൾ ലോകകപ്പ് അടുത്തിരിക്കെയാണ് ബൈജൂസിന്റെ നീക്കം എന്നത് ശ്രദ്ധേയമാണ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, കമ്പനി നഷ്ടത്തിലാണെന്നും ജീവനക്കാരെ പിരിച്ചുവിടേണ്ടി വരുന്നതില് അതിയായ ഖേദം പ്രകടിപ്പിക്കുന്നുവെന്നും അടുത്തിടെ ബൈജു രവീന്ദ്രന് പറഞ്ഞിരുന്നു. 5% ജീവനക്കാരെ പിരിച്ചുവിടാനാണ് കമ്പനി ഇപ്പോള് തീരുമാനിച്ചിരിക്കുന്നത്. കമ്പനി പോളിസിയുടെ ഭാഗമായി കേരളത്തില് നിന്നും 100 ജീവനക്കാരെ പിരിച്ചുവിട്ടിരുന്നു.