മുംബൈ: ബോളിവുഡ് താരങ്ങളായ ആലിയ ഭട്ടിനും റണ്ബീര് കപൂറിനും പെണ്കുഞ്ഞ് പിറന്നു. മുംബൈയിലെ സ്വകാര്യ ആശുപത്രിയില് ഉച്ചയ്ക്ക് 12.05 ഓടെയാണ് ആലിയ ഭട്ട് പെണ്കുഞ്ഞിന് ജന്മം നല്കിയതെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്. ഏപ്രില് 14 നാണ് ആലിയയും റണ്ബീറും വിവാഹിതരായത്. ജൂണില് ആലിയ തന്റെ ഇൻസ്റ്റാഗ്രാമിലൂടെയാണ് ആശുപത്രിയിൽ നിന്നുള്ള ചിത്രം പങ്കുവെട്ടുകൊണ്ട് താൻ അമ്മായാകുന്നു എന്ന സന്തോഷ വാർത്ത അറിയിച്ചത്. ആലിയയുടെ ബേബി ഷവര് ചിത്രങ്ങള് സാമൂഹിക മാധ്യമങ്ങളില് വളരെയധികം ശ്രദ്ധിക്കപ്പെട്ടിരുന്നു. ലളിതമായി നടത്തിയ ചടങ്ങില് അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അയാന് മുഖര്ജി സംവിധാനം ചെയ്ത ബ്രഹ്മാസ്ത്രയാണ് ആലിയയുടേയും റണ്ബീറിന്റേയും ഒടുവില് പുറത്തിറങ്ങിയ ചിത്രം. ഇരുവരും ആദ്യമായി ഒന്നിച്ച ചിത്രം കൂടിയായിരുന്നു ഇത്. സിനിമയുടെ പ്രമോഷന് പരിപാടികളില് നിറവയറോടെ ആലിയ ഭട്ട് എത്തിയതും വാര്ത്തയായിരുന്നു. ബോക്സ് ഓഫീസ് കളക്ഷനില് 'ബ്രഹ്മാസ്ത്ര' സമീപകാല ബോളിവുഡ് ചിത്രങ്ങളെയെല്ലാം മറികടന്നിരുന്നു. 'ഇഷ' എന്ന നായിക കഥാപാത്രമായിട്ട് ചിത്രത്തില് ആലിയ ഭട്ട് ആണ് അഭിനയിച്ചത്. ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലാണ് 'ബ്രഹ്മാസ്ത്ര' എത്തിയത്.