ദോഹ: ഫുട്ബോള്‍ പ്രേമികളുടെ നാല് വര്‍ഷത്തെ കാത്തിരിപ്പിന് വിരാമമിട്ട് നാളെ ഫിഫ ലോകകപ്പ്‌ ആരംഭിക്കും. ഉദ്ഘാടന മത്സരത്തില്‍ ആതിഥേയരായ ഖത്തര്‍ ഇക്വഡോറിനെ നേരിടും. ഇന്ത്യന്‍ സമയം രാത്രി 9:30 ന് അല്‍ ബയ്ത്ത് സ്‌റ്റേഡിയത്തിലാണ് മത്സരം. ഇന്ത്യയില്‍ നിന്നും ഉപരാഷ്ട്രപതി ജഗ്ദീപ് ധന്‍കര്‍ ഉദ്ഘാടന ചടങ്ങില്‍ പങ്കെടുത്തേക്കുമെന്നാണ് സൂചന. ഫിഫ പ്രസിഡന്‍റ് ജിയാനി ഇന്‍ഫന്റീനോ ഇന്ന് മാധ്യമങ്ങളെ കാണും. നാളെ വൈകിട്ട് അഞ്ച് മണിക്കാണ് ഉദ്ഘാടന ചടങ്ങുകള്‍ ആരംഭിക്കുക. ഇതിഹാസ താരങ്ങളായ മെസിയുടെയും റൊണാള്‍ഡോയുടെയും അവസാന ലോകകപ്പാണിതെന്നും വാര്‍ത്തകള്‍ പുറത്തുവരുന്നുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം, ഖത്തര്‍ ലോകക്കപ്പില്‍ ഇത്തവണ പ്രധാന മത്സരങ്ങള്‍ നിയന്ത്രിക്കുന്നവരില്‍ വനിതകളുമുണ്ടാകും. ലോകമാകെ കണ്ണും കാതും കൂര്‍പ്പിച്ച് കാണുന്ന മത്സരങ്ങളില്‍ ഞൊടിയിടെ തീരുമാനമെടുക്കുന്ന മനസ്സാനിദ്ധ്യമായി വനിതകള്‍ നിലയുറപ്പിക്കുന്നത് സവിശേഷ കാഴ്ചയാകും. പുരുഷന്മാരുടെ കളി നിയന്ത്രിക്കാന്‍ വനിതാ റഫറിമാരെത്തുന്ന അപൂര്‍വ കാഴചക്ക് കൂടി ഖത്തര്‍ വേദിയാകും. മുഖ്യ റഫറിമാരായി തെരെഞ്ഞെടുക്കപ്പെട്ട മുപ്പത്തിയാറ് പേരില്‍ മൂന്നുപേരാണ് വനിതകള്‍. മുപ്പത്തിയാറുകാരിയായ സ്റ്റെയ്ഫാനി ഫ്റപ്പാറ്റ്, അതേപ്രായമുള്ള യോഷിമി യമാഷിത, മുപ്പത്തിമൂന്നുകാരിയായ സലീമ മുകന്‍സംഗ എന്നിവരാണവര്‍.
