ലണ്ടന് : ബ്രിട്ടനില് ഇതുവരെ 15,464 പേരാണ് കോവിഡ് -19 മൂലം മരണപ്പെട്ടത്. കഴിഞ്ഞ ഇരുപത്തിനാലു മണിക്കൂറിനുള്ളില് 888 പേരാണ് രാജ്യത്ത് മരണപ്പെട്ടത്. ആകെ രോഗം സ്ഥിരീകരിച്ചവരുടെ എണ്ണം 1,14,217ആണ്. കഴിഞ്ഞ നാലുദിവസങ്ങളിലായി മരണ നിരക്ക് 800 തൊട്ടുതാഴെയും മുകളിലുമായി നിലനില്ക്കുകയാണ്. ഇന്നലത്തെ മരണനിരക്കുമായി താരതമ്യം ചെയ്യുമ്പോള് കഴിഞ്ഞ 24 മണിക്കൂറിനുള്ളില് 51 പേരുടെ കുറവാണ് രേഖപ്പെടുത്തിയിരിക്കുന്നത്. നിരക്കില് കൃത്യം 24 ന്റെ കുറവാണ് രേഖപ്പെടുത്തിയത്. ഇരുപത്തിനാലു മണിക്കൂറിനുള്ളില് മാത്രം രോഗം സ്ഥിരീകരിക്കപ്പെട്ടവരുടെ എണ്ണം 5,225 ആണ്
എന്നാല് ബ്രിട്ടനില് ഇറ്റലി, സ്പെയിന്, ഫ്രാന്സ് തുടങ്ങിയ രാജ്യങ്ങളുമായി താരതമ്യം ചെയ്യുമ്പോള് രോഗികളുടെ എണ്ണം കുറവാണ്. കഴിഞ്ഞ 72 മണിക്കൂറിനുള്ളില് മാത്രം രോഗികളുടെ എണ്ണത്തില് ബ്രിട്ടനില് പതിനാലായിരത്തോളമാണ് വര്ദ്ധിച്ചത്. മരണസംഖ്യ കൂടിയ, മുകളില് സൂചിപ്പിച്ച യൂറോപ്പ്യന് രാജ്യങ്ങളില് ഇത് ഏകദേശം ഒരുലക്ഷത്തി അമ്പതിനായിരത്തിനും രണ്ടു ലക്ഷത്തി ഇടയിലാണ്. താരതമ്യേന ചെറിയ രോഗീ സംഖ്യയില് ഇത്ര ഉയര്ന്ന മരണനിരക്ക് രേഖപ്പെടുത്തുന്നത് ബ്രിട്ടീഷ് ആരോഗ്യ മേഖലയുടെ പരാജയമായാണ് വിലയിരുത്തപ്പെടുന്നത്.