മുംബൈ: ബോളിവുഡ് നടി ശില്പ്പാ ഷെട്ടിയുടെ ഭര്ത്താവും വ്യവസായിയുമായ രാജ് കുന്ദ്ര ഒടിടി പ്ലാറ്റ്ഫോമുകള്ക്കായി അശ്ലീല ചിത്രങ്ങള് നിര്മ്മിച്ചെന്ന് മഹാരാഷ്ട്ര സൈബര് പൊലീസ്. രാജ് കുന്ദ്രക്കെതിരെ കേസെടുത്തിട്ടുണ്ടെന്നും സാമ്പത്തിക നേട്ടത്തിനായി പഞ്ചനക്ഷത്ര ഹോട്ടലുകളില്വെച്ചാണ് സിനിമകള് ചിത്രീകരിച്ചതെന്നും മഹാരാഷ്ട്ര സൈബര് പൊലീസ് പറഞ്ഞു. രാജ് കുന്ദ്രയ്ക്കൊപ്പം മോഡലുകളായ ഷെര്ലിന് ചോപ്ര, പൂനം പാണ്ഡെ, ചലച്ചിത്ര നിര്മ്മാതാവ് മീത ജുന്ജുന്വാല, കാമറാമാന് രാജു ദുബെ എന്നിവര് ചേര്ന്ന് ഹോട്ടലുകളില്വെച്ച് അശ്ലീല ചിത്രങ്ങള് നിര്മ്മിച്ചുവെന്ന് പൊലീസ് കോടതിയില് സമര്പ്പിച്ച കുറ്റപത്രത്തില് പറയുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ആംസ് പ്രൈം മീഡിയ ലിമിറ്റഡ് ഡയറക്ടറായ രാജ് കുന്ദ്ര അശ്ലീല വീഡിയോകള് നിര്മ്മിച്ചെന്നും അവ ചില വെബ്സൈറ്റുകളിലൂടെ വിതരണംചെയ്തെന്നും കാണിച്ച് 2019-ല് ക്രൈംബ്രാഞ്ച് കേസ് രജിസ്റ്റര് ചെയ്തിരുന്നു. രാജ് കുന്ദ്രയുടെ മധ് പ്രദേശത്തുളള ബംഗ്ലാവില് നടത്തിയ റെയ്ഡില് അവിടെ അശ്ലീല ചിത്രങ്ങളുടെ നിര്മ്മാണം നടന്നു എന്ന് കണ്ടെത്തിയിരുന്നു. 2021 ഏപ്രിലില് മുംബൈ ക്രൈംബ്രാഞ്ച് രാജ് കുന്ദ്രക്കെതിരെ കുറ്റപത്രം സമര്പ്പിച്ചിച്ചു. കൂടുതല് തെളിവുകള് ലഭിച്ചതിനുപിന്നാലെ ജൂലൈയിലാണ് കുന്ദ്രയെ മുംബൈ പൊലീസ് അറസ്റ്റ് ചെയ്തത്. സെപ്റ്റംബര് 21-ന് കോടതി ജാമ്യം അനുവദിച്ചു.