മുംബൈ: മുതിര്‍ന്ന മാധ്യമപ്രവര്‍ത്തകന്‍ രവീഷ് കുമാര്‍ എന്‍ഡിടിവി വിട്ടു. എന്‍ഡിടിവിയുടെ പ്രമോട്ടര്‍ കമ്പനിയായ ആര്‍ ആര്‍ പി ആര്‍ (രാധികാ റോയ് പ്രണോയ് റോയ് ഹോള്‍ഡിംഗ് പ്രൈവറ്റ് ലിമിറ്റഡ്) ന്റെ ഓഹരികള്‍ അദാനി ഗ്രൂപ്പ് ഏറ്റെടുത്തതിനുപിന്നാലെ എന്‍ഡിടിവി ഡയറക്ടര്‍ ബോര്‍ഡില്‍നിന്നും പ്രണോയ് റോയും രാധികാ റോയും രാജിവെച്ചിരുന്നു. ഇരുവരുടെയും രാജിക്കുപിന്നാലെയാണ് രവീഷ് കുമാര്‍ രാജിവെച്ച വിവരം പുറത്തുവരുന്നത്. രവീഷിന്റെ രാജി സ്വീകരിച്ചതായി എന്‍ഡിടിവി പുറത്തിറക്കിയ പ്രസ്താവനയില്‍ പറയുന്നു.
രവീഷ് കുമാറിനെപ്പോലെ ജനങ്ങളുടെ മേല്‍ സ്വാധീനം ചെലുത്തിയ മാധ്യമപ്രവര്‍ത്തകര്‍ വളരെ കുറവാണെന്നും അദ്ദേഹം എന്‍ഡിടിവിയുടെ അവിഭാജ്യ ഘടകമാണെന്നും എന്‍ഡിടിവിയുടെ പ്രസ്താവനയില്‍ പറയുന്നു. എന്‍ഡിടിവിയുടെ പ്രൈം ടൈം ചര്‍ച്ച നയിച്ചിരുന്ന രവീഷ്, ഹം ലോഗ്, രവീഷ് കീ റിപ്പോര്‍ട്ട്, ദേശ് കീ ബാത്ത് തുടങ്ങിയ പരിപാടികള്‍ അവതരിപ്പിച്ചു. 2019-ലാണ് മഗ്‌സസെ അവാര്‍ഡ് നേടിയത്. രണ്ടുതവണ രാംനാഥ് ഗോയങ്കെ പുരസ്‌കാരവും നേടിയിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം, സുദീപ്ത ഭട്ടാചാര്യ, സെന്തില്‍ ചെങ്കല്‍വരായന്‍, സഞ്ജയ് പുഗലിയ എന്നിവരാണ് അദാനി ഗ്രൂപ്പിന്റെ പ്രതിനിധികളായി എന്‍ഡിടിവി ഡയറക്ടര്‍ ബോര്‍ഡിലെത്തിയത്.
