അബുദാബി: ദേശിയ അവാര്ഡ് ജേതാവ് അപര്ണ ബാലമുരളിക്ക് യു എ ഇ ഗോള്ഡന് വിസ. ദുബായിലെ മുന്നിര സര്ക്കാര് സേവന ദാതാക്കളായ ഇ സി എച്ച് ഡിജിറ്റൽ സിഇഓ ഇഖ്ബാൽ മാർക്കോണിയിൽ നിന്നുമാണ് അപര്ണ യുഎഇ ഗോൾഡൻ വിസ ഏറ്റുവാങ്ങിയത്. മഹേഷിന്റെ പ്രതികാരം എന്നെ സിനിമയിലൂടെ മലയാള ചലച്ചിത്ര രംഗത്തേക്ക് കടന്നുവന്ന താരമാണ് അപര്ണ ബാലമുരളി. സുരൈ പോട്ര്' എന്ന തമിഴ് ചിത്രത്തിലെ അഭിനയത്തിനാണ് അപർണ ബാലമുരളിക്ക് മികച്ച നടിക്കുള്ള ദേശീയ അവാർഡ് ലഭിച്ചത്. അപര്ണ ബാലമുരളി ഗോള്ഡന് വിസ ഏറ്റുവാങ്ങുന്നതിന്റെ ചിത്രങ്ങള് സാമൂഹിക മാധ്യമങ്ങളില് വൈറലാണ്.
ഇസിഎച്ച് ഡിജിറ്റൽ മുഖേനെ മമ്മൂട്ടി, മോഹന്ലാല്, ടൊവീനോ തോമസ്, അസിഫ് അലി, ഫഹദ് ഫാസില്, നസ്രിയ തുടങ്ങിയ താരങ്ങള്ക്കും ഗോള്ഡന് വിസ ലഭിച്ചിരുന്നു. കലാരംഗത്തെ സംഭാവനകള് പരിഗണിച്ചാണ് ഇവര്ക്കെല്ലാം ഗോള്ഡന് വിസ ലഭിച്ചത്. നേരത്തേ ഷാറൂഖ് ഖാന്, ബോണി കപൂര്, സഞ്ജയ് ദത്ത് തുടങ്ങിയ ബോളിവുഡ് താരങ്ങള്ക്കും സാനിയാ മിര്സയുള്പ്പെടെയുളള കായിക താരങ്ങള്ക്കും ഗോള്ഡന് വിസ ലഭിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സാധാരണ രണ്ടുവര്ഷത്തേക്കാണ് യുഎഇ വിസ അനുവദിക്കാറുളളത്. രണ്ടുവര്ഷം കൂടുമ്പോള് പുതുക്കുന്ന എംപ്ലോയ്മെന്റ് വിസയ്ക്കുപകരം 10 വര്ഷത്തേക്ക് വിസ അനുവദിക്കുന്നതാണ് ഗോള്ഡന് വിസ. ദീര്ഘകാല റസിഡന്റ്റ് വിസ പദ്ധതി 2018-ലാണ് യുഎഇ ആരംഭിച്ചത്. സാധാരണയായി യുഎഇയില് താമസിച്ചുകൊണ്ട് അവിടെ നിക്ഷേപം നടത്താന് താല്പ്പര്യമുളള സമ്പന്നരായ വ്യക്തികള്ക്കാണ് ഗോള്ഡന് വിസ നല്കുക. കൂടാതെ ഡോക്ടര്മാര്, ശാസ്ത്രജ്ഞര്, കലാകാരന്മാര് തുടങ്ങി അതതു മേഖലകളില് ആഗോളതലത്തില് പ്രശസ്തരായവര്ക്കും യുഎഇ ഗോള്ഡന് വിസ നല്കാറുണ്ട്.