അഹമ്മദാബാദ്: ഗുജറാത്തില് കോണ്ഗ്രസ് അധികാരത്തിലെത്തുമെന്ന് ജിഗ്നേഷ് മേവാനി. സംസ്ഥാനത്ത് ഭരണവിരുദ്ധ വികാരം ശക്തമാണെന്നും കോണ്ഗ്രസ് പ്രചാരണത്തില് പിന്നില് പോയിട്ടില്ലെന്നും ജിഗ്നേഷ് മേവാനി പറഞ്ഞു. '120 സീറ്റ് നേടി കോണ്ഗ്രസ് സംസ്ഥാനത്ത് സര്ക്കാരുണ്ടാക്കും. ആം ആദ്മിക്ക് ഒരു സീറ്റുപോലും കിട്ടില്ല. സമൂഹമാധ്യമങ്ങളില് കാണുന്ന കോലാഹലങ്ങളൊന്നും വോട്ടാകില്ല. ആംആദ്മി കോണ്ഗ്രസിന് ലഭിക്കുന്ന വോട്ട് വിഭജിക്കാനാണ് ശ്രമിക്കുന്നത്. വോട്ട് വിഭജിക്കപ്പെട്ടാല് അവര് ബിജെപിയെ സഹായിക്കാന് വന്നവരാണെന്ന് ഒരിക്കല്ക്കൂടി വ്യക്തമാവും'- ജിഗ്നേഷ് മേവാനി പറഞ്ഞു.
ഗുജറാത്തില് കോണ്ഗ്രസിന് അനുകൂലമായ തരംഗമുണ്ടാവുന്നുണ്ടെന്നും നിയമസഭാ തെരഞ്ഞെടുപ്പ് രാജ്യത്തിന് പുതിയ ദിശാബോധം നല്കുമെന്നും ജിഗ്നഷ് കഴിഞ്ഞ ദിവസം പറഞ്ഞിരുന്നു. ഇത്തവണയും വദ്ഗാമില്നിന്നാണ് ജിഗ്നേഷ് മേവാനി ജനവിധി തേടുന്നത്. 2017-ല് ഇതേ സീറ്റില് കോണ്ഗ്രസ് പിന്തുണയോടെ സ്വതന്ത്ര്യ എംഎല്എയായി തെരഞ്ഞെടുക്കപ്പെട്ടിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ഗുജറാത്തില് ആദ്യഘട്ട വോട്ടെടുപ്പ് അവസാനിച്ചപ്പോള് 52 ശതമാനമായിരുന്നു പോളിംഗ്. കോണ്ഗ്രസും ബിജെപിയും ആംആദ്മിയുമുള്പ്പെടെയുളള പാര്ട്ടികള് കാര്യമായ പ്രചാരണം നടത്തിയെങ്കിലും വോട്ടെടുപ്പിന് ജനങ്ങളില്നിന്ന് പ്രതീക്ഷിച്ച പ്രതികരണമുണ്ടായില്ല. രണ്ടാം ഘട്ട വോട്ടെടുപ്പ് ഡിസംബര് അഞ്ചിനാണ് നടക്കുക. ഡിസംബര് എട്ടിനാണ് വോട്ടെണ്ണല്.