ദോഹ: ഫുട്ബോള് ഇതിഹാസം മറഡോണയുടെ ഗോള്നേട്ടത്തെ മറികടന്ന് മെസ്സി. ലോകകപ്പില് 8 ഗോളുകളാണ് മറഡോണ അര്ജന്റീനക്കായി നേടിയത്. ഒമ്പത് ഗോള് എന്ന നേട്ടത്തോടെയാണ് മെസ്സി മറഡോണയ്ക്ക് മുകളിലെത്തിയത്. ഇന്ന് നടന്ന ആര്ജന്റീന - ഓസ്ട്രേലിയ മത്സരത്തിലാണ് മെസ്സി തന്റെ ഒന്പതാമത്തെ ഗോള് നേടിയത്. പ്രൊഫഷണല് കരിയറിലെ 1000-ാമത്തെ മത്സരത്തിലാണ് മെസ്സിയുടെ ഈ നേട്ടം. ലോകകപ്പ് നോക്കൗട്ട് സ്റ്റേജിലെ മെസ്സിയുടെ ആദ്യ ഗോള് കൂടിയാണിത്. 10 ഗോളുകളുമായി ഗബ്രിയേല് ബാറ്റിസ്ട്യൂട്ടയാണ് മെസ്സിക്ക് മുകളിലുള്ളത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കഴിഞ്ഞ കളിയില് ലോക കപ്പില് ഏറ്റവും കൂടുതല് മത്സരം കളിച്ചയാള് ഡീഗോ മറഡോണയുടെ റെക്കോഡും മെസ്സി മറികടന്നിരുന്നു. ലോകകപ്പില് മെസിയുടെ ഇരുപത്തിരണ്ടാം മത്സരമായിരുന്നു പോളണ്ടുമായി നടന്നത്. 21 മത്സരങ്ങളുടെ ഡീഗോ മറഡോണയുടെ റെക്കോര്ഡാണ് മെസി മറികടന്നത്. അതേസമയം ഇന്ന് നടന്ന മത്സരത്തില് ഓസ്ട്രേലിയയെ ഒന്നിനെതിരെ രണ്ട് ഗോളുകൾക്ക് പരാജയപ്പെടുത്തി അർജന്റീന ക്വാർട്ടറിൽ പ്രവേശിച്ചു. 35-ാം മിനിറ്റിൽ ലയണൽ മെസിയിലൂടെയാണ് അർജന്റീന ആദ്യ ഗോൾ നേടിയത്. അമ്പത്തിയേഴാം മിനിറ്റിൽ ജൂലിയൻ അൽവാരസ് രണ്ടാമത്തെ ഗോൾ നേടി വിജയം ഉറപ്പിക്കുകയായിരുന്നു.