ഡല്ഹി: ലോകകപ്പ് ഫൈനല് വേദിയില് ട്രോഫി എത്തിക്കുക ബോളിവുഡ് താരം ദീപിക പദുക്കോണായിരിക്കുമെന്ന് റിപ്പോര്ട്ട്. ഡിസംബര് 18- ന് നടക്കുന്ന ചടങ്ങില് പങ്കെടുക്കാന് താരം ഉടന് ഖത്തറിലേക്ക് പോകുമെന്നും ദേശിയ മാധ്യമങ്ങള് റിപ്പോര്ട്ട് ചെയ്യുന്നു. വാര്ത്തകള് ശരിയാണെങ്കില് ചരിത്രത്തിലാദ്യമായിരിക്കും ഇന്ത്യയില് നിന്നുള്ള ഒരു വ്യക്തി ലോകകപ്പ് ഫൈനല് വേദിയില് ട്രോഫി എത്തിക്കുക. എന്നാല് വാര്ത്തകളോട് പ്രതികരിക്കാന് ഇതുവരെ ദീപിക പദുക്കോണ് തയ്യാറായിട്ടില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ലോകകപ്പ് ഉദ്ഘാടന വേളയിൽ നോറ ഫത്തേഹിയുടെ നൃത്ത പ്രകടനവും ലോകകപ്പ് വേദിയിൽ ഏറെ ശ്രദ്ധിക്കപ്പെട്ടിരുന്നു. അതേസമയം,ഷാറൂഖ് ഖാന് നായകനയെത്തുന്ന പത്താന് സിനിമയുടെ ഷൂട്ടിംഗിലാണ് ദീപിക പദുക്കോണ്. അടുത്ത വർഷം ജനുവരി 25നാണ് ചിത്രം റിലീസ് ചെയ്യുക. ജോൺ എബ്രഹാമും സിനിമയിൽ പ്രധാന കഥാപാത്രത്തെ അവതരിക്കുന്നുണ്ട്. സിദ്ധാര്ഥ് ആനന്ദാണ് പത്താന് സംവിധാനം ചെയ്യുന്നത്. പ്രോജക്ട് k, സര്ക്കുസ് തുടങ്ങിയ ചിത്രങ്ങളാണ് താരത്തിന്റെതായി ഒരുങ്ങുന്നത്.