'ഞാനും മനുഷ്യനാണ്, സങ്കടവും വേദനയും തോന്നി'; ഗെഹ്ലോട്ടിന്റെ രാജ്യദ്രോഹി പരാമര്‍ശത്തെക്കുറിച്ച് സച്ചിന്‍ പൈലറ്റ്

ജയ്പൂര്‍: രാജസ്ഥാന്‍ മുഖ്യമന്ത്രി അശോക് ഗെഹ്ലോട്ടിന്റെ രാജ്യദ്രോഹി പരാമര്‍ശത്തില്‍ പ്രതികരണവുമായി സച്ചിന്‍ പൈലറ്റ്. പരസ്യമായി തന്നെ രാജ്യദ്രോഹിയെന്ന് വിളിച്ചപ്പോള്‍ വേദനയും സങ്കടവും തോന്നിയെന്ന് സച്ചിന്‍ പൈലറ്റ് പറഞ്ഞു. 'ഞാനൊരു രാഷ്ട്രീയ പ്രവര്‍ത്തകനാണ്. അതേസമയം ഒരു മനുഷ്യനുമാണ്. എനിക്ക് സങ്കടവും വേദനയും തോന്നിയിരുന്നു. ഭൂതകാലത്തേക്ക് പോകാന്‍ ഞാന്‍ ആഗ്രഹിക്കുന്നില്ല.പൊതുജീവിതത്തില്‍ ഞാന്‍ മാന്യത കാത്തുസൂക്ഷിക്കുന്നു. എനിക്കൊരു ജേലിയും ദൗത്യവുമുണ്ട്. അതുമായി എനിക്ക് മുന്നോട്ടുപോകേണ്ടതുണ്ട്'-സച്ചിന്‍ പറഞ്ഞു. എന്‍ഡിടിവിയോടായിരുന്നു അദ്ദേഹത്തിന്റെ പ്രതികരണം.

കഴിഞ്ഞ മാസം എന്‍ഡിടിവിക്ക് നല്‍കിയ അഭിമുഖത്തിലാണ് അശോക് ഗെഹ്ലോട്ട് സച്ചിന്‍ പൈലറ്റിനെ രാജ്യദ്രോഹിയെന്ന് വിളിച്ചത്. ഒരു രാജ്യദ്രോഹിക്ക് ഒരിക്കലും മുഖ്യമന്ത്രിയാവാന്‍ സാധിക്കില്ല. ഹൈക്കമാന്‍ഡിന് സച്ചിന്‍ പൈലറ്റിനെ മുഖ്യമന്ത്രിയാക്കാനാവില്ല. പത്ത് എംഎല്‍എമാര്‍ പോലും അദ്ദേഹത്തോടൊപ്പമില്ല. പാര്‍ട്ടിയില്‍ കലാപമുണ്ടാക്കാന്‍ ശ്രമിച്ചയാളാണ് അദ്ദേഹം. പാര്‍ട്ടിയെ വഞ്ചിച്ച പൈലറ്റ് രാജ്യദ്രോഹിയാണ് എന്നാണ് അശോക് ഗെഹ്ലോട്ട് പറഞ്ഞത്. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

സച്ചിന്‍ പൈലറ്റും ഗെഹ്ലോട്ടും തമ്മിലുളള പ്രശ്‌നങ്ങള്‍ രാജസ്ഥാനില്‍ കോണ്‍ഗ്രസിനെ വലിയ പ്രതിസന്ധിയിലാക്കിയിരുന്നു. അതിനിടെയാണ് രാഹുല്‍ ഗാന്ധിയുടെ നേതൃത്വത്തില്‍ നടക്കുന്ന ഭാരത് ജോഡോ യാത്ര രാജസ്ഥാനില്‍ പ്രവേശിച്ചത്. അഭിപ്രായവ്യത്യാസങ്ങള്‍ മറന്ന് ഇരുവരും രാഹുല്‍ ഗാന്ധിക്കൊപ്പം യാത്രയുടെ ഭാഗമാവുകയും പാര്‍ട്ടിയാണ് വലുതെന്ന് പ്രഖ്യാപിക്കുകയും ചെയ്തിരുന്നു. ഇരുവരും രാഹുലിനൊപ്പം ചേര്‍ന്ന് നൃത്തംചെയ്യുന്ന വീഡിയോയും വൈറലായിരുന്നു. അടുത്ത വര്‍ഷം സംസ്ഥാനത്ത് നടക്കാനിരിക്കുന്ന തെരഞ്ഞെടുപ്പിന് ഭാരത് ജോഡോ യാത്ര ഗുണംചെയ്യുമെന്നാണ് കോണ്‍ഗ്രസിന്റെ വിലയിരുത്തല്‍.

Contact the author

National Desk

Recent Posts

National Desk 6 hours ago
National

ഡികെ ശിവകുമാറിനും മകള്‍ക്കും ഇഡി, സി ബി ഐ നോട്ടീസ്

More
More
National Desk 2 days ago
National

ഷര്‍ജീല്‍ ഇമാമിനെ വെറുതെ വിട്ടതിനെതിരെ ഡല്‍ഹി പൊലീസ് ഹൈക്കോടതിയില്‍

More
More
National Desk 2 days ago
National

യു പി കോടതിയുടെ സമന്‍സ് ചോദ്യം ചെയ്ത് റാണ അയ്യൂബ് നല്‍കിയ ഹര്‍ജി സുപ്രീം കോടതി തള്ളി

More
More
National Desk 2 days ago
National

ഭാരത് ജോഡോ യാത്ര രണ്ടാം ഘട്ടത്തിനൊരുങ്ങി കോണ്‍ഗ്രസ്; പോര്‍ബന്തറില്‍നിന്ന് തുടക്കം

More
More
National Desk 3 days ago
National

ഗൗരി ലങ്കേഷിന്റെ വിധി പ്രതീക്ഷിച്ചാണ് ഞാന്‍ ജീവിക്കുന്നത്- നടന്‍ അതുല്‍ കുമാര്‍

More
More
National Desk 3 days ago
National

രണ്ടുവര്‍ഷമായി ഓര്‍മ്മക്കുറവുണ്ട്, ഡയലോഗുകള്‍ പോലും മറന്നുപോകുന്നു; ആരോഗ്യാവസ്ഥയെക്കുറിച്ച് നടി ഭാനുപ്രിയ

More
More