തിരുവനന്തപുരം: ലിജോ ജോസ് പെല്ലിശ്ശേരി സംവിധാനം ചെയ്ത് മമ്മൂട്ടി നായകനായെത്തിയ 'നന്പകല് നേരത്ത് മയക്കം' എന്ന സിനിമയെ അഭിനന്ദിച്ച് യൂത്ത് കോണ്ഗ്രസ് നേതാവ് പി സി വിഷ്ണുനാഥ്. 'നന്പകല് നേരത്ത് മയക്കം' ആദ്യ പ്രദർശനത്തിൽ തന്നെ കണ്ടു. നമ്മുടെ കാലത്തെ ഏറ്റവും മികച്ച ചലച്ചിത്രകാരന്മാരിൽ ഒരാളെന്ന് ലിജോ ജോസ് പല്ലിശ്ശേരിയെ അടയാളപ്പെടുത്തുന്ന സിനിമ. മഹാ നടന്റെ അസാധ്യ പ്രകടനം! പ്രമേയത്തിലും അവതരണത്തിലും വ്യത്യസ്തത ആഗ്രഹിച്ചു തന്നെയാണ് ചിത്രത്തിന് കയറിയതെങ്കിലും പ്രതീക്ഷകൾക്കും അപ്പുറമായിരുന്നു മമ്മൂട്ടി-ലിജോ-ഹരീഷ് ടീമിന്റെ ചലച്ചിത്ര വിരുന്ന്. പേരൻപ്, കർണൻ തുടങ്ങിയ ചിത്രങ്ങളുടെ ചായാഗ്രാഹകൻ 'തേനി ഈശ്വർ 'നന് പകല് നേരത്ത് മയക്ക' ത്തിന്റെ ദൃശ്യങ്ങളെ അതിമനോഹരമാക്കി. ടാഗോർ തിയേറ്ററിൽ നിറഞ്ഞു കവിഞ്ഞിരുന്ന് സിനിമ കണ്ട പ്രേക്ഷകരുടെ മനസ് നിറച്ച ചലച്ചിത്രാനുഭവം- എന്നാണ് പി സി വിഷ്ണുനാഥ് ഫേസ്ബുക്കില് കുറിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തമിഴ്നാട്ടിലാണ് നന്പകല് നേരത്ത് മയക്കം ഷൂട്ട് ചെയ്തത്. മമ്മൂട്ടി കമ്പനിയാണ് ചിത്രം നിര്മ്മിച്ചിരിക്കുന്നത്. സിനിമയുമായി ബന്ധപ്പെട്ട പോസ്റ്ററിനെല്ലാം മികച്ച പ്രതികരണമായിരുന്നു ലഭിച്ചത്. മമ്മൂട്ടി- ലിജോ ജോസ് പെല്ലിശ്ശേരി കൂട്ടുകെട്ടില് ഒരുങ്ങുന്ന സിനിമ വളരെ പ്രതീക്ഷയോടെയാണ് ആരാധകര് കാത്തിരുന്നത്. എല്ലാ വിഭാഗത്തിലുള്ള സിനിമാ പ്രേമികള്ക്കും ചിത്രം ഇഷ്ടമാകുമെന്നാണ് പ്രേക്ഷ്കര് അഭിപ്രായപ്പെടുന്നത്. വേളാങ്കണ്ണി തീര്ഥാടനം നടത്തി വരുന്ന ഒരു പ്രൊഫഷണല് നാടക സംഘത്തിന്റെ ദൃശ്യങ്ങളില് നിന്നാണ് സിനിമ ആരംഭിക്കുന്നത്. വഴിയില് വെച്ച് ഡ്രൈവറോട് വാഹനം നിര്ത്താന് ആവശ്യപ്പെടുന്ന ജെയിംസ് ഒരു സമീപഗ്രാമത്തിലേക്ക് അവിടം അത്യന്തം പരിചയമുള്ള ഒരാളെപ്പോലെ കയറിച്ചെല്ലുകയാണ്. ആ തമിഴ് ഗ്രാമത്തിലെ ഒരു വീട്ടിലേക്ക് അപരിചിതത്വങ്ങളൊന്നുമില്ലാതെ ചെന്നുകയറുന്ന ജെയിംസ് രണ്ട് വര്ഷം മുന്പ് അവിടെനിന്ന് കാണാതായ സുന്ദരത്തെപ്പോലെ പെരുമാറുന്നതാണ് സിനിമയുടെ ഇതിവൃത്തം.