തിരുവനന്തപുരം: ബ്രിട്ടീഷ് മാഗസിന്റെ മികച്ച അഭിനേതാവായി ഷാരൂഖ് ഖാൻ തെരഞ്ഞെടുക്കപ്പെട്ടതിൽ സന്തോഷമെന്ന് മന്ത്രി വി ശിവന്കുട്ടി. ഫേസ്ബുക്കിലൂടെയാണ് മന്ത്രി ഷാറൂഖ് ഖാന് അഭിന്ദനങ്ങള് നേര്ന്നത്. 'ഒരു ഷാറൂഖ് ഖാൻ 'ഫാൻ' അല്ല ഞാൻ. ഷാറൂഖിനേക്കാൾ ഇഷ്ടപ്പെടുന്ന അഭിനേതാക്കൾ ഉണ്ട് താനും. എന്നാൽ ഈ സമയത്ത് പ്രശസ്ത ബ്രിട്ടീഷ് മാഗസിൻ "എമ്പയർ " - ന്റെ പട്ടികയിൽ മികച്ച 50 അഭിനേതാക്കളിൽ ഒരാളായി ഷാറൂഖ് ഖാൻ തെരഞ്ഞെടുക്കപ്പെട്ടതിൽ ഏറെ ആഹ്ലാദിക്കുന്നു. അഭിനന്ദനങ്ങൾ ഷാറൂഖ് ഖാൻ - എന്നാണ് മന്ത്രി ഫേസ്ബുക്കില് കുറിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യു
ഇന്ത്യയില് നിന്നും ഷാറൂഖ് ഖാന് മാത്രമാണ് ബ്രിട്ടിഷ് മാഗസിന്റെ പട്ടികയില് ഇടം പിടിച്ചിരിക്കുന്നത്. ഇക്കാര്യം നടന്റെ മാനേജർ പൂജ ദഡ്ലാനിയാണ് ഇൻസ്റ്റഗ്രാമിലൂടെ പങ്കുവെച്ചിരിക്കുന്നത്. 2023 ഫെബ്രുവരി ലക്കത്തിന് വേണ്ടിയാണ് വായനക്കാരോട് മികച്ച 50 അഭിനേതാക്കളെ തെരഞ്ഞെടുക്കാന് മാഗസിന് ആവശ്യപ്പെട്ടത്. ഡെൻസൽ വാഷിങ്ടൺ, ടോം ഹാങ്ക്സ്, മർലിൻ മൻറൊ, റോബർട്ട് ഡി നീറോ, ടോം ക്രൂസ്, ലിയനാഡോ ഡി കാപ്രിയോ, സാമുവൽ ജാക്സൺ, ജാക്ക് നിക്കോൾസൺ, ആന്റണി ഹോപ്കിൻസ് തുടങ്ങിയ പ്രമുഖർക്കൊപ്പമാണ് ഷാരൂഖ് ഖാനും ഇടം പിടിച്ചിരിക്കുന്നത്. നാല് ദശകങ്ങളിലായുള്ള വിജയകരമായ അഭിനയ ജീവിതത്തിൽ ഷാരൂഖ് ഖാന് കോടിക്കണക്കിന് ആരാധകരുണ്ടെന്നും മാഗസസിനിൽ നൽകിയ പ്രൊഫൈലിൽ പറയുന്നു.