തിരുവനന്തപുരം: ഡോക്ടര്മാരുടെ കുറിപ്പില്ലാതെ ആന്റിബയോട്ടിക്കുകള് വില്ക്കുന്ന ഫാര്മസികളുടെ ലൈസന്സ് റദ്ദാക്കുമെന്ന് ആരോഗ്യ മന്ത്രി വീണ ജോര്ജ്. മന്ത്രിയുടെ നേതൃത്വത്തില് നടന്ന കര്സാപ്പ് (കേരള ആന്റി മൈക്രോബിയല് റെസിസ്റ്റന്സ് സ്ട്രാറ്റജിക് ആക്ഷന് പ്ലാന്) വാര്ഷിക അവലോകന യോഗത്തിലാണ് നിര്ദേശം നല്കിയത്. മിക്ക രോഗാണുക്കളിലും ആന്റിബയോട്ടിക്ക് പ്രതിരോധനത്തിന്റെ തോത് കൂടി വരുന്നതായി പരിശോധനയില് കണ്ടെത്തി. ഇതിന്റെ അടിസ്ഥാനത്തിലാണ് നടപടിയെന്ന് ആരോഗ്യമന്ത്രി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യു
സംസ്ഥാനത്തെ ആന്റിബയോട്ടിക് പ്രതിരോധ പ്രവര്ത്തനം എത്രത്തോളം ഫലപ്രദമാണെന്ന് അറിയാനും അതിന്റെ ഭാഗമായി പ്രതിരോധ പ്രവര്ത്തനങ്ങള് ഏകോപിപ്പിക്കുന്നതിനുമായി ആന്റി ബയോഗ്രം പദ്ധതി ആരംഭിച്ചിരുന്നു. ഇതിന്റെ ഭാഗമായി നടത്തിയ പരിശോധനയിലാണ് മിക്ക രോഗാണുക്കളിലും ആന്റിബയോട്ടിക്ക് പ്രതിരോധനത്തിന്റെ തോത് കൂടി വരുന്നതായി കണ്ടെത്തിയത്. മനുഷ്യരില് മാത്രമല്ല, മൃഗങ്ങള്, പരിസ്ഥിതി, ഫിഷറീസ്, അക്വാകള്ച്ചര് തുടങ്ങിയ വിഭാഗങ്ങളില് നടന്ന പഠനങ്ങളിലും ആന്റിബയോട്ടിക് പ്രതിരോധം കൂടി വരികയാണെന്നും മന്ത്രി പറഞ്ഞു. ഇതിനുപിന്നാലെയാണ് ഡോക്ടര്മാരുടെ കുറിപ്പില്ലാതെ ആന്റിബയോടിക്കുകള് വില്ക്കുന്ന ഫാര്മസികളുടെ ലൈസന്സ് റദ്ദാക്കുമെന്ന് ആരോഗ്യ മന്ത്രി അറിയിച്ചത്.