ഡല്ഡഹി: രാഹുല് ഗാന്ധി ശ്രീരാമനാണെന്ന് താന് എവിടെയും പറഞ്ഞിട്ടില്ലെന്ന് മുതിര്ന്ന കോണ്ഗ്രസ് നേതാവ് സല്മാന് ഖുര്ഷിദ്. രാഹുല് ഗാന്ധി ശ്രീരാമന്റെ പാതയാണ് പിന്തുടരുന്നതെന്നാണ് താന് പറഞ്ഞതെന്നും ബിജെപി പിന്തുടരുന്നത് രാവണന്റെ പാതയാണെന്നും സല്മാന് ഖുര്ഷിദ് പറഞ്ഞു. വാര്ത്താ ഏജന്സിയായ എ എന് ഐയോടായിരുന്നു അദ്ദേഹത്തിന്റെ പ്രതികരണം.
'രാഹുല് ഗാന്ധി ശ്രീരാമനല്ല. പക്ഷെ അദ്ദേഹത്തിന് ശ്രീരാമന് കാണിച്ച പാത പിന്തുടരാന് കഴിയും. നിങ്ങള്ക്ക് അതിലൂടെ നടക്കാന് അവകാശമില്ലെന്നാണ് ബിജെപി പറയുന്നത്. എന്നാല് അവര് രാമനുപകരം രാവണന്റെ പാതയാണ് പിന്തുടരുന്നത്'- സല്മാന് ഖുര്ഷിദ് പറഞ്ഞു.
'രാഹുല് ഗാന്ധി അമാനുഷികനാണ്. ശൈത്യത്തില് നമ്മളെല്ലാം ജാക്കറ്റ് ധരിച്ച് തണുത്തുവിറച്ച് ഇരിക്കുമ്പോള് ടീ ഷര്ട്ട് മാത്രം ധരിച്ച് അദ്ദേഹം പുറത്ത് നടക്കുകയാണ്. ഒരു യോഗിയെപ്പോലെ ലക്ഷ്യബോധത്തോടെ അദ്ദേഹം തപസ്യ അനുഷ്ടിക്കുകയാണ്. ശ്രീരാമന് എത്തിപ്പെടാന് കഴിയാത്ത ഇടങ്ങളില് രാമന്റെ പാദുകങ്ങള് ഞാന് എത്തിക്കും. ഇപ്പോള് ആ പാദുകങ്ങള് ഉത്തര്പ്രദേശിലെത്തിയിട്ടുണ്ട്'-എന്നാണ് സല്മാന് ഖുര്ഷിദ് കഴിഞ്ഞ ദിവസം പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാഹുല് ഗാന്ധിയെ രാമനോടും ഭാരത് ജോഡോ യാത്രയെ രാമായണത്തോടും ഉപമിച്ചുളള സല്മാന് ഖുര്ഷിദിന്റെ പരാമര്ശത്തിനെതിരെ ബിജെപി നേതാക്കള് രംഗത്തെത്തിയിരുന്നു. സല്മാന് ഖുര്ഷിദിന്റെ പരാമര്ശം ഹിന്ദുത്വത്തെ അപമാനിക്കുന്നതാണെന്നും മറ്റ് മതങ്ങളുടെ ദൈവങ്ങളുമായി താരതമ്യം ചെയ്യാന് ആരെങ്കിലും തയാറാവുമോ എന്നുമാണ് ബിജെപി നേതാവ് ഷെഹ്സാദ് പൂനെവാല ചോദിച്ചത്.