കൊല്‍ക്കത്ത: വന്ദേ ഭാരത്‌ എക്സ്പ്രസ്സിന്റെ ഉദ്ഘാടന വേദിയിലാണ് പശ്ചിമ ബംഗാള്‍ മുഖ്യമന്ത്രി മമത ബാനര്‍ജിയെ ‘ജയ് ശ്രീറാം’ മുദ്രാവാക്യങ്ങളോടെ ബിജെപി സ്വാഗതം ചെയ്തത്. വേദിയില്‍ കയറാതെ വിട്ടുനിന്നുകൊണ്ടാണ് മമതാ ബാനര്‍ജി ഇക്കാര്യത്തില്‍ തന്റെ പ്രതിഷേധം രേഖപ്പെടുത്തിയത്. കൊല്‍ക്കത്തയിലെ ഹൗറ സ്റ്റേഷനിലായിരുന്നു പരിപാടി.
വന്ദേ ഭാരത്‌ എക്സ്പ്രസ്സിന്റെ ഹൗറന്യൂ- ജയ്പായ്ഗുരി യാത്രയുടെ ഉദ്ഘാടന വേദിയിലാണ് ബിജെപി പ്രവര്‍ത്തകര്‍ ബിജെപി നേതാക്കളെ വരവേല്‍ക്കും വിധം ‘ജയ് ശ്രീറാം’ മുദ്രാവാക്യങ്ങളോടെ മുഖ്യമന്ത്രിയെ വരവേറ്റത്. ഇതില്‍ അരിശം പൂണ്ട മമത ബാനര്‍ജി വേദിക്ക് പുറത്തുനിന്നുകൊണ്ടാണ് ഉദ്ഘാടന കര്‍മം നിര്‍വഹിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
പശ്ചിമ ബംഗാള്‍ ഗവര്‍ണര്‍ സി വി ആനന്ദബോസ്, കേന്ദ്ര റെയില്‍വെ മന്ത്രി അശ്വിനി വൈഷ്ണവ് തുടങ്ങിയ പ്രമുഖരും ചടങ്ങിനെത്തിയിരുന്നു.
